«"Өлөөкө Күөл" сылгы собуота» хааһына тэрилтэтэ сылгыны уонна ынах сүөһүнү иитиигэ идэтийэн үлэлиир. Үүтү-эти оҥорон, нэһилиэнньэни экология өттүнэн ыраас, сибиэһэй аһынан-үөлүнэн хааччыйар. Сылгыга племенной үлэни ыытар, саха сылгытын Халыматааҕы тиибин ууһатан, улуус уонна өрөспүүбүлүкэ хаһаайыстыбаларыгар батарар.
Хааһына тэрилтэтэ толору хааччыллыылаах, бэйэтэ дьоҕус үүтү астыыр сыахтаах сүөһү иитэр комплексын тутан үлэҕэ киллэрбитин бэҕэһээ малааһыннаата. Үлэһиттэрин идэлээх бырааһынньыгынан эҕэрдэлээтэ, бэтэрээннэрин чиэстээтэ, үрдүк көрдөрүүлээх бастыҥнары бэлиэтээтэ. Даҕатан эттэххэ, быйыл хаһаайыстыба тэриллибитэ лоп курудк 35 сылын бэлиэтиир, онон бу саҥа комплекс тутуллуута икки бүк үөрүүлээх буолла. Тутуу Саха Өрөспүүбүлүкэтин Бырабыыталыстыбатын, Тыа хаһаайыстыбатынуона ас-үөл министиэристибэтин өйөбүлүнэн ыытылынна.
Былырыын, 2024 с., бу тутууга 68 мөл. солк. субсидия эбии көрүллүбүтэ диэн Тыа хаһаайыстыбатын уонна ас-үөл министиэристибэтин пресс-сулууспата суруйар.
Хаартыска: Тыа хаһаайыстыбатын уонна ас-үөл министиэристибэтин саайта.
-
2
-
1
-
0
-
0
-
0
-
0
