Бу ыйаах туһунан Ил Түмэн төрүт олохтоох хотугу омуктар уонна Аартыка дьыалаларыгар сис кэмитиэтин бэрэссэдээтэлэ Елена Голомарева маннык этэр:
– Арассыыйа норуоттарын сомоҕолоһууларын күнүгэр бу ыйаах тахсыбыта олус улахан суолталаах. Аҕыйах ахсааннаах норуоттар төрүт олохторо-дьаһахтара, төрүт дьарыктара, култууралара, тыллара-өстөрө судаарыстыба болҕомтотугар ылыллан, норуот күннээҕи олоҕун хаачыстыбата тупсарыгар олук буолуоҕа.
Саха Өрөспүүбүлүкэтин Ил Дарханнара, Ил Түмэн бу сыллар тухары төрүт олохтоох, аҕыйах ахсааннаах хотугу норуоттар сокуон өттүнэн көмүскэллээх буолалларыгар элбэх хайысхалаах үлэни ыыппыттара, ыыталлар. Ол кэнэҕэски кэлэр кэмнэргэ да тирэх буола туруоҕа диэн бүк эрэнэбин. Оттон дойду таһымыгар Төрүт олохтоох аҕыйах ахсааннаах норуоттар Ассоциацияларын бэрэсидьиэнэ Григорий Ледков хамаандатын өр сыллаах үлэтин бэлиэтиэхпин баҕарабын.
Бэрэсидьиэн Владимир Путин кэскиллээх, норуоттар тустарыгар анаммыт ыйааҕа үйэлэр тухары төрүт норуоттары көмүскүө, араҥаччылыа. харыстыа. Дойдубут сайдыыта норуоттар сомоҕолоһууларыгар!!!
Мин ис сүрэхпиттэн үөрэбин биһиги этиилэрбит, биһиги долгуйууларбыт дойдубут Бэрэсидьиэнин өйөбүлүн ылбытыттан. Бу биһигини, хас биирдиибитин сырдыкка, үрдүккэ тардыһарга көҕүлүүр.
-
1
-
0
-
0
-
0
-
0
-
0
