«Белая трость» месячник чэрчитинэн тэриллэр бу аахсыйа күнүс 14:00 чаастан саҕаланар. Бырагыраамата балачча киэҥ. Ол курдук, бастаан аахсыйаны үөрүүлээхтик арыйыы сиэрэ-туома толоруллуоҕа. Салгыы 14:30 чаастан тиэмэлэринэн маастар-кылаастар буолуохтара: Брайл шрибинэн суруйууга, көмпүүтэринэн уонна мобильнай технологиянан үлэлиир үөрүйэхтэргэ итиэннэ көрбөт дьоҥҥо аналлаах остуол оонньууларыгар. 15:00 чаастан «Саамай табыгаһа суох 10 ыйытыы» диэн тиэмэҕэ бэсиэдэ тэриллиэҕэ.
Аахсыйаҕа кэлбиттэр харахтарынан көрбөт, талааннаах эдэр дьону кытары билсиһиэхтэрэ, кинилэргэ араас ыйытыылары биэриэхтэрэ, остуол оонньуутугар оонньуохтара, көрбөт дьоннор смартфону, көмпүүтэри хайдах туһаналларын билиэхтэрэ, быыстапкаҕа сылдьыахтара. Бу туһунан Үөрэх уонна билим министиэристибэтин пресс-киинэ суруйар.
Хаартыска: Үөрэх уонна билим министиэристибэтин саайта.
-
0
-
0
-
0
-
0
-
0
-
0
