Кэнгириэскэ Арассыыйа Федерациятын Бэрэсидьиэнин уонна Бырабыыталыстыбатын дьаһалтатын сүрүн блоктарын салайааччылара, эрэгийиэннэр уонна муниципалитеттар баһылыктара, парламентарийдар, судаарыстыба бөдөҥ хампаанньаларын топ-менеджердэрэ, салалта эйгэтин эспиэрдэрэ, билим уонна уопсастыбаннас бэрэстэбиитэллэрэ, ыччат лиидэрдэрэ кыттыахтара.
Бырагыраама быһыытынан, ыччат бэлиитикэтин олоххо киллэрии тула кэпсэтии, судаарыстыба салалтатын тирээн турар боппуруостарыгар эспиэрдэр лиэксийэлэрэ, дьыалабыай оонньуулар уо.д.а. тэриллиэхтэрэ.
Эдэр ыччакка бу – билиини-көрүүнү хаҥатар, настаабынньыктары булар, биир саастаахтары кытары бодоруһар, дойду сайдарын туһугар кылааты киллэриигэ бэйэ ис кыаҕын арыйар күлүүһү биэриэҕэ диэн Саха Өрөспүүбүлүкэтин Бас билиигэ уонна сиргэ сыһыаннаһыыга министиэристибэтин пресс-киинэ иһитиннэрэр.
Хаартыска: тустаах саайтан.
-
0
-
0
-
0
-
0
-
0
-
0
