Ыйаахха үүнэр сүһүөх ыччаты иитигэ-үөрэтиигэ, уопсастыба интеллектуальнай, нравственнай уонна култуурунай кыаҕын сайыннарыыга учууталларга улахан суолта ууруллар. Кинилэр идэлэрин таһымын үрдэтиигэ-сайыннарыыга, туруоруллар соругу көдьүүстээхтик толороллоругар ирдэнэр усулуобуйаны хааччыйыы мэктиэлэнэр.
Онно киирэллэр: учуутал үлэлиир кэмин устата идэтин таһымын сайыннарыы, ол иһигэр эбии идэтийбит үөрэхтээһин уонна методиканан арыаллааһын; үөрэҕи саҥа бүтэрбит эдэр учууталларга наставниктары биир сылтан итэҕэһэ суох сыһыарыы; электроннай үөрэтэр ресурсаларынан (электроннай үөрэтэр-методическай матырыйаалларынан, босуобуйаларынан) РФ бүддьүөтүн суотугар босхо хааччыйыы; иитэр-үөрэтэр эйгэҕэ 25 сылтан итэҕэһэ суох үлэлээбиттэргэ «Үлэ бэтэрээнэ» ааты иҥэрии; ыйга биирдэ судаарыстыбаннай уонна муниципальнай түмэллэргэ босхо сылдьыы; тустаах үлэҕэ, идэҕэ, үлэ быраабыгар, социальнай мэктиэлэргэ уонна социальнай өҥөлөргө сыһыаннаах боппуруостарга юрист өҥөтүнэн босхо туһаныы; олоххо эбэтэр доруобуйаҕа буортулаах дьайыыттан көмүскээһин.
РФ Бырабыыталыстыбатыгар – алта ый иһинэн Арассыыйа Федерациятыгар учуутал ыстаатыһын бигэргэтэр биир кэлим дастабырыанньаны хааччыйарга; учууталлар үлэлэрин эрэсиимигэр уонна үлэлэрин ноҕуруускатыгар ирдэбили тупсарарга; Ыйаахха этиллибит өйөбүл дьаһалларын олоххо киллэрии чэрчитинэн федеральнай сокуоннарга тустаах уларытыылары киллэрэргэ сорудах бэрилиннэ.
Дойду субъектарыгар – өйөбүл дьаһалларын, ол иһигэр, ситиһиилээх үлэни бэлиэтээһини олоххо киллэрии туһунан учууталларга иһитиннэрэргэ-биллэрэргэ этилиннэ.
РФ субъектарын баһылыктарыгар – учууталлар оҕолорун оскуола иннинээҕи тэрилтэлэргэ (уһуйааннарга) бастакынан ыларга итиэннэ өйөбүл бу дьаһалларын оҥоруу бэрээдэгин, усулуобуйатын быһаарарга сүбэлэннэ. Бу туһунан Ил Түмэн пресс-сулууспата суруйар.
Хаартыска: Ил Түмэн саайтыттан.
-
2
-
0
-
0
-
0
-
0
-
0
