Мунньахха министиэристибэ өйөбүлүнэн ыытыллар билиҥҥи уонна саҥа бырайыактары ырыттылар. Дьокуускайга 2027 сылга 7 оскуола, оҕо уһуйаана тутуллан бүтүөҕэ, ону тэҥэ саҥа гостиничнай комплекс баар буолуоҕа. Тиксиигэ уонна Найбаҕа 35 млрд солк. суумалаах 39 дьаһал олоххо киириэҕэ. Ол курдук, тырааныспар инфраструктурата, ОДьКХ эбийиэктэрэ саҥардыллыахтара, тупсарыы үлэлэрэ барыахтара, социальнай эбийиэктэр тутуллуохтара. Нерюнгрига 2027 сылга балыыһа хапытаалынай өрөмүөнэ уонна оҕо лааҕырын тутуута түмүктэниэҕэ. 2030 сылга диэри 17 оскуола, оҕо уһуйаана, 4 искусство оскуолата тутуллуоҕа, Нерюнгритааҕы ГРЭС иккис уочарата бүтүөҕэ.
Үс сири-уоту сайыннарыы барар. Ол курдук, байыаннай чаас, өрүс пуордун уонна “Спортивнай” микро-оройуон сорох кыбартаалларын сайыннарыы салҕанар. Табаһыттар (КМНС) өйөбүллэрин бырагырааматынан 2027-2028 сылларга 235,1 мөл. солк. тустаах тырааныспардары атыылаһарга, производственнай баазалары тэрийэргэ көрүлүннэ.
2027 сылтан Саха Сиригэр сабыылаах административнай-территориальнай тэриллии (ЗАТО) сайдыытын былаана олоххо киирэн барыаҕа.
2027-2028 сылларга 185,4 мөл. солк. оскуолалар, оҕо поликлиникаларын, спортивнай комплекстарын хапытаалынай өрөмүөннэригэр уонна тупсарыыга көрүллүбүт.
Хаартыска РФ Уһук Илини сайыннарыыга министиэристибэтин МАХ-ханаалыттан.
-
0
-
0
-
0
-
0
-
0
-
0
