Ил Түмэн судаарыстыба тутулугар уонна сокуону оҥорууга сис кэмитиэтин бэрэссэдээтэлэ-Ил Түмэн Бэрэссэдээтэлин солбуйааччы, Арассыыйа норуоттарын ассамблеятын эрэгийиэннээҕи салаатын салайааччы Афанасий Владимиров эҕэрдэ тылы эттэ, бу бырайыак сыалын-соругун билиһиннэрдэ. Саха сирин Суруйааччыларын сойууһун бэрэссэдээтэлэ, саха нарднай поэта Наталья Харлампьева «Гамзатов Саха сиригэр. Биир хоһоон устуоруйата» диэн дакылааты оҥордо, Өксөкүлээх Өлөксөй сиэнэ Лариса Кулаковская-Велисавлевич норуоттар икки ардыларынаҕы «Едины в помыслах»л итературнай-историческай бырайыагы сырдатта, ХИФУ иһинэн А.Е. Кулаковскай научнай-чинчийэр үнүстүтүн билимҥэ үлэһитэ Светлана Дарбасова «Феномен личности А.Е. Кулаковского» дакылааты аахта, А.Е. Кулаковскай аатынан Норуот айымньытын дьиэтин иһитиннэрэр-араҥалыыр отделын салайааччы, Саха Өрөспүүбүлүкэтин норуоттарын ыччатын ассамблеятын бэрэссэдээтэлин солбуйааччы Анастасия Шарошкина Өксөкүлээххэ анаммыт биэс сылга (2023-2017) Норуот айымньытын дьиэтин үлэтин-хамнаһын сырдатта.
Дагестаан өтүттэн Дагестан Өрөспүүбүлүкэтин Народнай мунньаҕын национальнай бэлиитикэҕэ, уопсастыбаннай уонна религиознай холбоһуктар боппуруостарыгар, парламеннары кытары үлэҕэ кэмитиэтин бэрэссэдээтэлэ Фирудин Раджабов, Г. Цадасы аатынан ТЛИНЧИ дириэктэрэ Абусупьян Акамов тыл эттилэр. Арассыыйа норуоттарын ассамблеятын эрэгийиэннээҕи салаатын салайааччы Зикрула Ильясов «Гамзатов — Кулаковский: крепкая связь времен и народов» дакылааты аахта.
Саха Өрөспүүбүлүкэтин народнай артыыһа Дмитрий Артемьев хомуска оонньоото, алгыс сиэрин толордо, «Гамзатов ааҕыылара» өрөспүүбүлүкэтээҕи куонкурус кыайыылааҕа, эбэҥки ассоциациятын чилиэнэ Ярослав Слепцов Расул Гамзатов «Ийэ дойду туһунан» хоһоонун сахалыы, нууччалыы, эбээннии аахта.
Төгүрүк остуол түмүгэр Арассыыйа норуоттарын ассамблеятын Саха уонна Дагестан Өрөспүүбүлүкэлэригэр салааларын икки ардыларыгар бииргэ үлэлэһин туһунан Сөбүлэһии түһэрсилиннэ. Бу туһунан Ил Түмэн МАХ ханаалга иһитиннэрэр. Хаартыска эмиэ онтон.
-
0
-
0
-
0
-
0
-
0
-
0
