Саҥа хотон дьоҕус кыамталаах үлэ эбийиэктэрин тутуу бырагыраамматынан оҥоһулунна. Улууска «Агровольт» кэпэрэтиип 50 сүөһү турар хотонун туттар, «Уйгун», «Сиибиктэ Ас», «Илгэ» кэпэрэтииптэр уонна «МТС Нюрба агро» тэрилтэ астыыр сыахтарын саҥардаллар, «Дьулуур» кэпэрэтиип аасыыр сыаҕар хапытаалынай өрөмүөнү ыытар.
Дьоҕус кыамталаах үлэ эбийиэктэрин тутуу бырагырааммата тыа сиригэр үлэни-хамнаһы тэрийиигэ, оҥоһуллар бородууксуйа кээмэйин үрдэтиигэ, хаачыстыбатын тупсарыыга тирэх буолар. Тыа хаһаайыстыбатын боломуочуйалара бэриллиэҕиттэн, ханна уонна туох эбийиэктэри улуус бэйэтэ быһаарар буолбута олус көдьүүстээх. Бу туһунан тыа хаһаайыстыбатын уонна ас-үөл бэлитикэни министиэристибэтэ МАКС ханаалга суруйар.
Хаартыска: тустаах саайтан.
-
0
-
0
-
0
-
0
-
0
-
0
