Бүгүн ыытыллыбыт Саха сиринээҕи суһал ыстаап мунньаҕар Ил Дархан Айсен Николаев үөрэх кыһаларын тэрилтэлэрэ санитарнай ирдэбили кытаанахтык тутуһуохтаахтарын уонна коронавирус дьаҥын утары анал вакцинаны биэриигэ ураты суолта саастаах дьоҥҥо ууруллуохтааҕын туһунан эттэ. Бүгүҥҥү туругунан ааспыт сууккаҕа 80-90 киһи ыалдьыбыт. Итини тэҥэ, ыарахан туруктаах дьон ахсаана эмиэ биллэрдик аҕыйаабыт. Бүгүҥҥү туругунан 36 киһи туруга мөлтөһүөр. Дьаҥ туруоҕуттан өрөспүүбүлүкэ үрдүнэн 31378 киһи ыалдьыбыт. Ол эрээри диирбитигэр тиийэбит. Билиҥҥи туругунан, Мииринэйгэ, Томпоҕо, Уус Маайаҕа балаһыанньа соччо бэрдэ суох.
Аны вакцина туһунан. СӨ Бырабыыталыстыбатын Бэрэссэдээтэлин солбуйааччы Ольга Балабкина иһитиннэрбитинэн, бу күннэргэ Саха сиригэр 15 тыһ. доза эбии аҕалыллыахтаах. Былаан быһыытынан өрөспүүбүлүкэ нэһилиэнньэтэ 44 тыһ. дозаны ылыахтаах. Ил Дархан Айсен Николаев мунньаҕы түмүктүүрүгэр, быһыыны биэриигэ саастаах дьоҥҥо сөптөөх болҕомто ууруллуохтааҕын туһунан тоһоҕолоон бэлиэтээтэ.
-
0
-
0
-
0
-
0
-
0
-
0
