Онон дьаҥ чугуйан эрэр курдук. Дьокуускайга 29, Мииринэйгэ 12, Томпоҕо 6, Өймөкөөҥҥө 5 уоннна Уус Маайаҕа 3 киһи ыалдьыбыта биллибит. Ааспыт сууккаҕа лабораторияларга 1087 анал анаалыс, оттон былырыын сааскыттан пандемия саҕаланыаҕыттан 947257 тест оҥоһуллубут.
Олунньу 15 күнүнээҕи туругунан Саха сиригэр вакцина 42412 дозата эбии аҕалыллыбыт. Барыта 26507 киһи вакциналааһын маҥнайгы түһүмэҕин ааспыт буоллаҕына, 6409 киһи иккиһин ылбыт. Ааспыт нэдиэлэҕэ, олунньу 13 күнүгэр өрөспүүбүлүкэҕэ вакцина 15103 дозата эбии кэлбит, саҥа маарка барыта маркировкалаах, мэдиссиинэ тэрилтэлэригэр тиэрдии ыытыллар.
«Бүгүн Ил Дархан коронавирус саҕаланыыта таһаарбыт Ыйааҕа кулун тутар 1 күнүгэр диэри уһатылынна», - диэн Ольга Балабкина иһитиннэрдэ. Итинэн сиэттэрэн, урукку олоххо төннүү сыыйа-баайа олоххо киирэр. Ол курдук, дьоҕус кафелар, букмекерскай хонтуоралар, быыстапкалыыр саалалар үлэлиэхтэрэ. Бэйэни хааччахтаныы эрэсиимэ 65-тэн үөһэ саастаах дьоҥҥо салҕанар.
-
0
-
0
-
0
-
0
-
0
-
0
