СӨ доруобуйа харыстабылын миниистирэ Елена Борисова бүгүҥҥү брифинигэр өрөспүүбүлүкэҕэ эпидемиологическай балаһыанньа уустугурбутун эттэ. Уопсайа 8 улууска коронавируһунан ыалдьыбыт киһи ахсаана биллэ эбиллибит. Тааттаҕа – 10, Мэҥэ Хаҥаласка – 9, Чурапчыга – 7, Кэбээйигэ – 4, Ньурбаҕа – 3, Бүлүүгэ, Нерюнгригэ, Хаҥаласка – биирдии киһи кутталлаах дьаҥҥа хаптарбыт. Суукка иһигэр 2497 анаалыс оҥоһуллубут. Хамсык саҕаланыаҕыттан барыта 1 мөлүйүөнтэн тахса анаалыс ылыллан бэрэбиэркэлэммит.
Билигин улахан болҕомто вакцинацияҕа ууруллар диэн миниистир бэлиэтээтэ. Өрөспүүбүлүкэҕэ 42 мэдиссиинэ тэрилтэтэ, 244 пуун быһыыны биэрэллэр. 119 мобильнай биригээдэ үлэлиир. Саха сиригэр барыта 114 тыһыынча коронавируһу утары быһыы кэлбит. Ол курдук, “ЭпиВакКорона” уонна “Спутник” вакциналары аҕалбыттар.
-
0
-
0
-
0
-
0
-
0
-
0
