Чуолаан, Бүтүн Арассыйатааҕы нэһилиэнньэ биэрэпиһин сүрүн түһүмэҕэ бу сыл алтынньы 15 күнүттэн саҕаланан сэтинньи 14 күнүгэр диэри уһатылынна. Бэлиэтээн эттэххэ, нэһилиэнньэ биэрэпиһэ сыыппара ньыматынан онлайн аан бастакытын ыытыллар – сүрүн уларыйыытынан, дойду олохтоохторо «Госуслуги» порталга электроннай биэрэпис лииһин онлайн толорор кыахтаахтар.
Инники былаан быһыытынан, «Госуслуги» портал нөҥүө онлайн-биэрэпис сэтинньи 8 күнүгэр түмүктэниэхтээх этэ уонна салгыы сэтинньи 14 күнүгэр диэри биэрэпис суруйааччытын көмөтүнэн ыытыллыахтааҕа. Статистика сулууспата иһитиннэриитинэн, онлайн-биэрэпиһи салгыы сэтинньи 14 күнүгэр диэри уһатар туһунан туһааннаах этии РФ Бырабыыталыстыбатын Бэрэсээдээтэлин бастакы солбуйааччыта Андрей Белоусов ыыппыт сүбэ мунньаҕар биһириммитэ.
Бастакы вице-премьер бэлиэтииринэн, онлайн-биэрэпис дойду бары олохтоохторугар табыгастаах - коронавируснай ыарыы тарҕаныытын кэмигэр муҥутуур куттал суох буолуутун хааччыйарга туһуланар. Кини сэтинньи 14 күнүгэр диэри дойду Судаарыстыбаннай статистика федеральнай сулууспатыгар уонна Сыыппараҕа, сибээскэ уонна маассабай коммуникациятын сайдыытын министиэристибэтигэр «Госуслуги» порталга маассабайдык анкета толоруутун хааччыйарга сорудахтаата.
-
0
-
0
-
0
-
0
-
0
-
0
