Издательский дом Редакция Подписка
Погода в Якутске: . 16 oC

Бу күннэргэ Сахабыт Сиригэр диспансеризация туһунан нэһилиэнньэҕэ кэпсиир нэдиэлэ ыытылла турар. Хас биирдии киһи бэйэтин доруобуйатын кэтэнэ-манана, көрүнэ сылдьар. Онуоха диспансеризация күүс-көмө буолар. Нэһилиэнньэ доруобуйатын уонна ыарыыны сэрэтэр Өрөспүүбүлүкэтээҕи Киин бырааһа Мария Николаевна Чукрова эрдэттэн бэйэни көрдөрүнүү туһунан кэпсиир.

Бу күннэргэ Сахабыт Сиригэр диспансеризация туһунан нэһилиэнньэҕэ кэпсиир нэдиэлэ ыытылла турар. Хас биирдии киһи бэйэтин доруобуйатын кэтэнэ-манана, көрүнэ сылдьар. Онуоха диспансеризация күүс-көмө буолар. Нэһилиэнньэ доруобуйатын уонна ыарыыны сэрэтэр Өрөспүүбүлүкэтээҕи Киин бырааһа Мария Николаевна Чукрова эрдэттэн бэйэни көрдөрүнүү туһунан кэпсиир.

- Диспансеризация – хас биирдии киһи бэйэтин доруобуйатын көрүнэригэр бырааба. Хомойуох иһин, бу бырааптарын элбэх киһи туһаммат.

Диспансеризацияны 18 саастарыттан 39-гар диэри үс сылга биирдэ бараллар. Онтон 40 саастарыттан үөһээ — сыл аайы. Чинчийиилэр 40 саас кэнниттэн элбииллэр, онкоскрининг эбиллэр. Эр дьоҥҥо ПЦА диэн ыарахан чинчийии киирэр, бу анаалыһынан “рак предстательной железы” быһаарыллар. Кэрэ аҥардарга маммография көмөтүнэн түөс искэнин эрдэ булуохха сөп. Ону кытта гинекологка көрдөрүү ирдэнэр.

“Туохха туһалааҕый, бириэмэм суох” диир дьон баар. Ол эрэн киһи доруобайбын дии санана сылдьар кэмигэр ыарыы саҕаламмыт буолуон сөп. Билбэккэ сылдьарын анаалыстар, чинчийиилэр биллэриэхтэрин сөп. Саамай кутталлаах – онкология. Бу ыарыы бүтэһик стадиятыгар биирдэ биллэр. Маныаха диспансеризация нөҥүө эрдэ булан эмтэниини саҕалыахха сөп.

Маны сэргэ сүрэх, тымыр, тыҥа ыарыылара, саахар диабета эрдэттэн быһаарыллаллар. Аны ыарыы суох эрээри киһи үчүгэйдик аһаабат, хамсаммат, табаах тардах, арыгы иһэр буолуон сөп. Ону суох оҥорууга быраастар эрдэттэн сүбэлииллэр. Холобура, ыйааһыҥҥын түһэрдэххинэ уонна хамсанар буоллаххына - тымыр ыарыылара аччыыллар. Төһөнөн киһи хамсанар  - оччонон доруобай.

Элбэх киһи үлэ кэмигэр кыайан барбаппыт диир. Ол эрэн бэйэҥ тускар сылга биирдэ бириэмэ булуохха сөп. Хас бирдии киһи доруобуйата - бэйэтин эппиэтинэһэ. Били өрөмүөннэнэр массыына өр сулууспалыыр дииллэринии, киһи эмиэ бэйэтин кэмиттэн кэмигэр көрдөрүнүөхтээх. Көрдөрүнэргэ телефон нөҥүө поликлиникаҕа суруйтарыахха сөп. Эбэтэр 112 нүөмэргэ эрийэн диспансеризация барыахпын баҕарабын диэн иһитиннэрэҕин, ханнык поликлиникаҕа сыһыарыылааххын этэҕин.

Диспансеризацияны сыһыарыллыбыт эрэ поликлиникаҕар бараҕын. Бу оруннаах — ыарыы булуллар түгэнигэр учуокка туруорар сыаллаах. 

Хас биирдии поликлиника диспансеризацияны киэһээ 8 чааска диэри ыытар, субуотаҕа эмиэ көрөр. Ону таһынан, федеральнай сокуонунан үлэлиир киһи диспансеризация ааһарыгар үлэтин биир күнэ төлөнөр, маныаха үлэ миэстэтинэн тустаах сайабылыанньа суруллар.

 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Киин көмөлөһөр

«Берегиня» дьиэ кэргэҥҥэ оҕону иитиигэ көмөлөһөр киин Дьиэ кэргэҥҥэ элбэх өҥөнү оҥорор…
23.05.24 15:28