Дьокуускайга 48 киһи ыарыйда.Мэҥэ Хаҥаласка — 7, Алдаҥҥа , Чурапчыга – 5, Уус Алдаҥҥа -- 4, Нерюнгрига -- 3, Тааттаҕа -- 2, Намҥа -- биир.
Хоруона хамсыгынан сибээстээн, Алдаҥҥа -- 1, Дьокуускайга – 14, Мэҥэ Хаҥаласка -- 1, Ньурбаҕа – 1, ол эбэтэр барыта 17 кылаас харантыыҥҥа барда. Ону сэргэ ОРВИ сааскы эпидемията саҕаланан, барыта 60 кылааска күнүскү үөрэх тохтотулунна.
Уһуйааннары да тумуу тумнубата. Уус Алдан Дүпсүнүгэр «Сардаана» оҕо саада сабылынна. Өрөспүүбүлүкэ үрдүнэн 33 дьыссаат сорох бөлөхтөрө харантыыҥҥа бардылар.
Билиҥҥитэ 503 оскуола толору үлэлии турар, 127 – күнүскү-кэтэхтэн диэн аҥаардаан. Аллайыаха Быйаҥныырын, Оленегорскайын, Өлүөхүмэ Куду Күөлүн оскуолалара ыраахтан үөрэххэ көстүлэр.
Эбии үөрэхтээһин 56 кыһата күнүскү эрэсиимҥэ үлэлиир. 77 оскуола үөрэтии сорох чааһын ыраахтан ыытар. 49 – дистанционнай ньыманан.
Орто анал үөрэхтэри этэр буоллахха, 22 кыһа – сорох куурустара кэтэхтэн, 18 – күнүскүгэ, 2 – ыраахтан.
Аан дойду үрдүнэн коронавируһунан ыалдьыы уонна өлүү эмиэ төттөрү улаатан эрэр. Онон бары вакцинацияны барарбытын сүбэлииллэр. Бүгүҥҥү туругунан өрөспүүбүлүкэҕэ 114 412 доза вакцина кэлбит. Итинтэн 82,4%-на бэриллибит. Бастакы компоненын 93 767 киһи ылбыт, иккиһин — 54 468.
Ыарыы күн-түүн улаата турарынан, СӨ судаарыстыбаннай санитарнай бырааһын солбуйааччы И.Ю. Самойлова муниципальнай тэриллии салайааччыларыгар туһаайан этии киллэрдэ: маассабай култуурунай, спортивнай, аралдьытар тэрээһиннэри, быыстапкалары муус устар 20 күнүттэн ыам ыйын 8 күнүгэр диэри тохтоторго; тэрилтэнэн ыам ыйынааҕы бырааһынньыктары хааччахтыырга; мааскалаах сылдьыыны, социальнай арыты тутуһууну, дезинфекциялааһыны хонтуруоллуурга.
-
0
-
0
-
0
-
0
-
0
-
0
