Кини Саха АССР Верховнай Сэбиэтин дьокутаата, тыа хаһаайыстыбатын талааннаах бөдөҥ салайааччыта этэ.Тэрээһиҥҥэ Харбалаахтааҕы үөрэхтээһин холбоһугун алын кылаас үөрэнээччилэрэ,"Кэскил"уһуйаан бэлэмнэнии бөлөҕүн иитиллээччилэрэ, Харбалаах бастакы тутааччылара, бэтэрээннэр кыттыыны ыллылар.
Тэрээһини иилээн-саҕалаан ыытта нэһилиэкпит бэтэрээннэрин сэбиэтин бэрэссэдээтэлэ, тыа хаһаайыстыбатын специалиһа С.П.Винокурова. Иван Васильевич олоҕун,үлэтин туһунан билиһиннэрдэ бырааттыы Мординовтар ааттарын сүгэр музей үлэһитэ С.А.Васильева.,баһылык солбуйааччыта А.И.Васильева эҕэрдэ тыл эттэ. Харбалаах бастакы тутааччылара В.В.Малышев,Н.Н.Акимов ахтыы оҥордулар. Дьокуускай куораттан Иван Васильевич тапталлаах кэргэнэ Надежда Семеновна Николаева интернет ситиминэн ыыппыт ахтыы суруга дьон ортотугар доргуччу ааҕылынна.
НадеждаСеменовна бу суругар Харбалаах олохтоохторо Иван Васильевич аатын өрө тутан, үйэлэргэ умнуллубат үйэтитиигэ үлэлэспиттэригэр махтала муҥура суоҕун бэлиэтиир.4кылаас үөрэнээччилэрэ (кыл.сал.С. Р.Винокурова) биир дойдулаахпыт,саха народнай поэта С.Р.Кулачиков-Эллэй Иван Васильевичка анаан суруйбут анабыл хоһоонун аахтылар .Харбалаах бастакы тутааччылара,бэтэрээннэр "Харбалаах тырымнас уоттара" ырыаны ыллаан дуораттылар .Тэрээһиммит бүтүүтэ айылҕа маанылаах көтөрдөрө 4 кыталык кэлэн эргийэн дьоллоох түгэни бэлэхтээтилэр.
Үтүө түстээх үчүгэй түгэн буолбутун кэрэһэлээтилэр, ытык дьоммут дууһалара кэлэн бардылар быһылаах диэн үөрдүбүт.
-
10
-
0
-
0
-
0
-
0
-
1
