Алексей Ильич бэлиэтээбитинэн, Саха АССР тэриллибитэ 100 сылын көрсө араас олоҕу-дьаһаҕы хааччыйар тутаах эйгэлэригэр дьиҥнээх уларыйыылары көрсөр. Билигин Саха сирэ дойду үрдүк сайдыылаах эрэгийиэннэриттэн биирдэстэрэ, инвестициялары тардыы кээмэйинэн Уһук Илин уокурукка инники күөҥҥэ сылдьар. Өрөспүүбүлүкэҕэ социальнай эбийиэктэр көхтөөхтүк тутуллаллар – оҕо уһуйааннара, оскуолалар, балыыһалар, тупсаҕай дьиэлэр, суоллар. Сыыппара сайдыыта, уопсастыбаннай миэстэлэри тэрийии, нэһилиэнньэлээх пууннарга гааһы киллэрии, инновационнай технологиялары уонна быраактыкалары олоххо киллэрии, тыа сирин сайыннарыы үлэлэрэ тохтоло суох ыытыллаллар.
Ил Түмэн спикерэ бэлиэтээбитинэн, билигин көдьүүһэ суох кэмҥэ өрөспүүбүлүкэ баһылыга нэһилиэнньэ олоҕун уонна доруобуйатын харыстыыр, уопсастыбаҕа бигэ туруктаах буолууну хааччыйар, Саха сирин норуотун сиэр-майгы уонна духуобунай сыаннастарын оннунан хаалларар үлэлэһэр, дьон олоҕун хаачыстыбатын үрдэтэр кыахтаах.
«Саха Өрөспүүбүлүкэтин норуот дьокутааттарын уонна Бырабыыталыстыбатын кытта холбоһуктаах үлэ көмөтүнэн дойду салалтата туруорбут стратегическай соруктара ситиһиилээхтик олоххо киирэллэр, өрөспүүбүлүкэ позицияларын федеральнай структураларга көмүскүүллэр», - диэтэ парламент бэрэссэдээтэлэ.
Алексей Еремеев Айсен Николаевка кытаанах доруобуйаны, кэскиллээх үлэни-хамнаһы, дьолу-соргуну баҕарда.
-
0
-
0
-
0
-
0
-
0
-
0
