Ааспыт олунньу 4 күнүгэр Саха Сирин үрдүнэн аҕыс буруйу оҥоруу бэлиэтэммит. Онон бэрэбиэркэ, силиэстийэ ыытыллан, өрөспүүбүлүкэ борокуратууратын хонтуруолугар сылдьар.
Уус Алдан улууһун Бороҕонугар аһаҕас бааһырыылаах, 1987 сыллаах төрүөх дьахтары балыыһаҕа киллэрбиттэр, уорбаланааччы быһаарыллыбыт.
Дьокуускайга уорууну арыйбыттар. Түөкүннээһиҥҥэ сайабылыанньа киирбит, эмсэҕэлээччиттэн “ФСБ үлэһитэбин”, “Росинформониторинг” диэн ньыманан 1,1 мөл. солк. уорбуттар. Итини таһынан, массыынаны арендалааһыҥҥа 1,5 мөл. солк. суумалаах түөкүннээһин туһунан иһитиннэрбиттэр.
Сунтаар улууһун киинигэр баар маҕаһыынтан 1 тыһ. тахса ханна да бигэргэммэтэх арыгыны былдьаабыттар. Мииринэй куоракка итирик туруктаах киһи хаттаан массыына ыыта сылдьарын тараччы туппуттар, Нам сэлиэнньэтигэр арыгыны хаттаан сокуоннайа суох атыылыыллара биллибит.
Хаартыска: СИА
-
1
-
0
-
0
-
0
-
0
-
0