Сийиэс үлэтин сүрүн хайысхатынан быйыл төрөөбүтэ 105 сааһа бэлиэтэнэр, Саха сиригэр үрдүк юридическай үөрэхтээһини төрүттээччи Михаил Михайлович Федоров киллэрбит кылаатын сырдатыы, суолтатын тириэрдии буолуоҕа.
Бырагыраамаҕа пленарнай мунньахтар, быраап боппуруостарыгар анаммыт сиэксийэлэр, төгүрүк остуоллар бааллар. Сийиэс кыттыылаахтара муниципальнай реформаны, юриспруденцияҕа оҥоһуу өйү туһаныыны, урбаанньыттар бырааптарын көмүскээһини, арктика сирин-дойдутун сайыннарыыны кэпсэтиэхтэрэ, бу боппуруостары дьүүлэһиэхтэрэ.
Сийиэс чэрчитинэн юристар нэһилиэнньэҕэ босхо консультация күннэрин ыытыахтара. Албакааттар ахсынньы 1 күнүгэр “Мои документы” офиһыгар (Дьокуускай куорат, Аммосов уул. 18-гар) күнүс 14:00 чаастан киэһэ 18:00 чааска диэри дьону кытта көрсүөхтэрэ. Бу туһунан Саха сирин юристарын сийиэһин тэрийээччилэр иһитиннэрдилэр.
Санатан эттэххэ, Саха сирин юристарын бастакы сийиэһэ 2013 с. ахсынньы 3 күнүгэр тэриллибитэ.
Арассыыйа юристарын ассоциациятын саайтын хаартыската.
-
0
-
0
-
0
-
0
-
0
-
0
