Издательский дом Редакция Подписка
Погода в Якутске: . 30 oC

Кулун тутар 1 күнүгэр Федерация Сэбиэтин сенатора Егор Борисов бэчээт дьиэтигэр пресс-кэмпириэнсийэ ыытта. Онно Украинаҕа буола турар быһылаан, ол содулун уонна да атын тыын боппуруостары таарыйда. 

Кулун тутар 1 күнүгэр Федерация Сэбиэтин сенатора Егор Борисов бэчээт дьиэтигэр пресс-кэмпириэнсийэ ыытта. Онно Украинаҕа буола турар быһылаан, ол содулун уонна да атын тыын боппуруостары таарыйда. 

Бары билэрбит курдук дойдубут бэрэсидьиэнэ Донбасс олохтоохторун быыһаары анал байыаннай операция ыытарга быһаарыныы ылыммыта. Туох ханнык иннинэ Арассыыйа аан дойду таһымыгар бэлиитикэ сиэрдээх уонна кырдьыктаах буолуутун ситиһэр соругун биһиги өйдүөх тустаахпытын Егор Афанасьевич санатан туран, дойдубутугар арҕаа европа дойдулара санкция биллэрбиттэрин туһунан итиэннэ ол сабыдыалын, экэниэмикэҕэ хайдах охсуоҕун тула санаатын иһитиннэрдэ. Биир кэрчиги ааҕаргытыгар киллэриэм, салгыытын хаһыакка ааҕаарыҥ.

«Саха Сиригэр аймалҕаны үөскэтэр охсууну көрбөппүн»

Егор Борисов иһитиннэриитигэр олоҕурдахха, тастан киирии табаардарыгар быстах кэмнээх уустуктар үөскүөхтэрэ. Тоҕо диэтэр тас дойдуттан киирэр кэккэ табаардар ахсааннара элбэх. Украинаны кытта сыһыаммыт эйэлээхтик сүрүннээһиннэҕинэ, үгүс боппуруостар урукку оннуларын булуохтара, оттон сорох санкциялар уһун кэмнээх буолуохтарын сөп. Ис ырыынакка табаарга тиийиммэт буолуу суох буолуохтаах.  

– Аччыктыахпыт суоҕа. Ас-үөл чааһыгар дойдубут кыһалҕаны көрсүө суохтаах. Соҕотох куттаныы ыстаапка үрдээбитинэн, киһи күннэтэ туттар табаардарыгар сыана үрдүөн сөп. Дьону соһуппат туһуттан, сыана кыралаан үрдүүрүн ситиһиэхпит, онно үлэлэр хайы сах ыытыллаллар, бэрэсидьиэн тустаах дьаһалы ылыммыта.

Биһиги хамапааньаларбыт, өрөспүүбүлүкэҕэ бөдөҥ нолуок төлөөччүлэр, сүрүннээн азия-чуумпу байҕал эрэгийиэннэрин кытта үлэлэһэллэр. Сибииргэ уонна арҕаа европа ырыынактарыгар үлэлээччилэр эмиэ бааллар, манна улахана суох кэккэ уларыйыылар буолуохтара, тоҕо диэтэр Саха Сирэ бөдөҥ хампааньалар нолуоктарыттан дьоҕус чааһын ылар. Өрөспүүбүлүкэ салалтата ити хампааньалары кытта кэпсэтиэ уонна оннук биллэр аччааһын суох буолуо дии саныыбын, – диэтэ сенатор

Егор Афанасьевич бигэргэтэринэн, бастаан утаа субъектар бүддьүөттэн трансферт өттүтүгэр уларыйыылары билиниэ суохтара. Федеральнай бырагыраамалар кээмэйдэрэ оннунан хаалыахтара. Өскөтүн уларыйыылар киирэр да буоллахтарына, саамай суолталааҕа учуоттанар. Онон “Саха Сиригэр аймалҕаны үөскэтэр охсууну көрбөппүн”, – диир Егор Борисов.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Түһүлгэ

«Суораттааҕым барахсан»

Кэҥкэмэ кэрэ айылҕатыгар олорор Чомчоевтарга ааспыт өрөбүлгэ ыалдьыттаан, «Суораттааҕым…
14.07.24 12:30