Саха сирин Киин быыбардыыр хамыыһыйатын иһитиннэриитинэн, бу мүнүүтэҕэ РФКП (КПФР) “Биир ньыгыл Арассыыйа” баартыйаны кэннигэр хаалларан инники күөҥҥэ таҕыста. Билиҥҥитэ бүллүтүөннэри ааҕыы 100 % тэҥнэстэ. Онон хомуньуустар өрөгөйдүүллэр.
Сибилиҥҥи дааннайынан, РФКП – 35,15 %, “Биир ньыгыл Арассыыйа” – 33,22 %, “Новые люди” – 9,87 % ыллылар.
Биир мандаттаах уокурукка хомунуьуус Петр Аммосов эрэллээхтик бастаата. Кини 21,61 % куолаһы ылла. “Ньыгыллар” хандьыдааттара Петр Черкашин 20,07 % куоластаах. “Сиэрдээх Арассыыйа” Саха сиринээҕи лиидэрэ Федот Тумусов үһүс сылдьар. Киниэхэ быыбардааччы 19,55 % куолаһын биэрдэ.
Петр Аммосов “Ил Түмэн” хаһыат саайтыгар эрдэтээҕи интервьютугар кыайыыга бүк эрэллээҕин уонна "реванштыырын" туһунан эппитэ. Интервьютун бу сигэнэн киирэн ааҕыҥ: Петр Аммосов Госдума быыбарыгар хаттаан турда уонна кыайыыга бүк эрэллээх.
Матырыйаал саҥардылла уонна эбиллэ турар.
-
0
-
0
-
0
-
0
-
0
-
0
