Үһүс дуоһунаһыгар анаммыт аҕа баһылыгы нэһилиэк баһылыктара былаахтарын өрө күөрэтэн көрүстүлэр.
Салгыы Сунтаардааҕы территориальнай быыбардыыр хамыыһыйа түмүгү билиһиннэрэн баран, Анатолий Григорьевка Сунтаар улууһун баһылыга буолбутун туоһулуур дастабырыанньаны туттардылар .
Ол курдук, Анатолий Григорьев үс хандьыдааттан баһыйар үгүс 58,21% куолаһы ылбыта. Долгутуулаах түгэнинэн Үлэ Дьоруойа Владимир Африканович Михайлов аҕа баһылыкка түөскэ кэтэр бэлиэни кэтэрдиитэ буолла. Ытык киһи баһылыкка үтүө суобастаахтык, чиэстээхтик үлэлииригэр баҕарда.
Анатолий Григорьев бар дьонун иннигэр андаҕар тылын эттэ.
Ил Дархан Айсен Николаев, ону тэҥэ, бырабыыталыстыба үрдүк сололоохторун эҕэрдэлэрин аахтылар.
СӨ Ил Дарханын уонна бырабыыталастыбатын дьаһалтатын салайааччыта Георгий Михайлов улуус олохтоохторо баһылык тула түмсэн, сомоҕолоһон Сунтаар сайдарын туһугар үлэни-хамнаһы ыыталларыгар санаатын эттэ.
Анатолий Григорьевы Мииринэй, Ленскэй улуустарын бэрэстэбиитэллэрэ эҕэрдэлээтилэр.
Үлэ. Түмсүү. Сайдыы суолунан- Сунтаар иннин диэки!
«Сунтаар сонуннара»
-
0
-
0
-
0
-
0
-
0
-
0
