Ити туһунан балаҕан ыйын 20 күнүгэр Бэчээт дьиэтигэр буолан ааспыт суруналыыстары кытта көрсүһүүгэ өрөспүүбүлүкэтээҕи Киин быыбардыыр хамыыһыйа бэрэссэдээтэлэ Евгений Федоров иһитиннэрдэ. Олохтоох парламент дьокутааттарын эбии быыбарыгар быыбардааччы уопсай ахсааныттан 51,23 % киһи куоластаабыт.
3-с №-дээх университет уокуругар ХИФУ ректора Анатолий Николаев 43,22 % куолаһы ылан кыайда. 34-с №-дээх Халыма уонна Индигиир биир мандаттаах уокуругар Сахамин Афанасьев 44,97 % куоластаах утарылаһааччыларын быһа түһэн инники таҕыста.
Бу быыбарга Анаабыр, Өлөөн уонна Үөһээ Бүлүү улуустарын быыбардааччылара олус көхтөөхтүк кыттыбыттара бэлиэтэннэ. Уопсайынан, балаҕан ыйын 17-19 күнүнээҕи куоластааһыҥҥа Саха сирэ быыбардааччытын көҕүнэн үһүс миэстэни ылбыт. Саамай көхтөөхтүк Еврейскэй автономнай уокурук уонна Чукотка эрэ быыбардаабыттар.
-
0
-
0
-
0
-
0
-
0
-
0
