500-тэн тахса дьахталлары түмэр уопсастыбаннай дьахталлар холбоһуктарын Сойууһа СӨ Ил Дарханын Айсен Николаевы иккис болдьоххо таларга ыҥырыы сурук ыытта диэн «Биир Ньыгыл Арассыыйа» баартыйа пресс-сулууспата иһитиннэрэр.
- Биһиги билигин саамай сүрүнэ ис сүрэхпититтэн уопсастыбаҕа, дьиэ кэргэҥҥэ иирсээн, кириисис тахсыбатын өйдүүбүт. Биһиэхэ НАТО дойдулара дойдубут утары дьиҥнээх бэлитиичэскэй, информационнай уонна норуоттар икки ардыларынааҕы сэриилэри тэрийэллэрэ наадата суох! Убаастабыллаах хандьыдааттар, быыбар иннинээҕи араас технологияны туһанары умнаргытыгар, сыыһаны-халтыны, о.д.а. көрдүүртэн туттунаргытыгар ыҥырабыт. Айманан бүтүөххэ, билигин сүпсүлгэни улаатыннарар кэм буолбатах! Биһиги, өрөспүүбүлүкэ дьахталлара, дириҥ ытыктабыллаах киһибит Айсен Сергеевич Саха Өрөспүүбүлүкэтин Ил Дарханын дуоһунаһыгар соҕотох хандьыдаат буоларын уонна салгыы өрөспүүбүлүкэ социальнай сайдыытыгар, экэниэмикэ үүнүүтүгэр аныгыскы болдьоххо салайарыгар итэҕэтэбит. Биир сомоҕо буолуу күүс эбэр –өрөспүүбүлүкэбитин түмэр, Арассыыйа норуоттарын сомоҕолуур. Сомоҕолостохпутуна биһигини ким да кыайбат. Ытыктабыллаах Сахабыт Сирин дьоно-сэргэтэ, Айсен Сергеевич Николаев аттытыгар түмсүөххэ уонна Саха Өрөспүүбүлүкэтин Ил Дарханынан талыахха!
-
1
-
0
-
1
-
0
-
0
-
0
