Бириэмийэ саҥа сезонун Арассыыйа Бэрэсидьиэнин дьаһалтатын салайааччытын бастакы солбуйааччы Сергей Владиленович Кириенко бэрэссэдээтэллээх Тэрийэр кэмитиэт мунньаҕын түмүгүнэн биллэрдилэр.
Саха Сирин киэн туттуута
Ил Дархан Айсен Николаев МАКС халаалыгар: “Биһиэхэ киэн туттар дьоммут элбэхтэр. Бириэмийэ бастакы сезоҥҥар Хаҥалас улууһун Тит-Арыы нэһилиэгин баһылыга Григорий Лукин бэйэтин олоҕун да кэрэйбэккэ, биир дойдулаах дьахтарын тоҥ муустан быыһаан турардаах.
Былырыыҥҥы сезоҥҥа Саха Сириттэн уон бырайыак дойду 200 бастыҥнарын иһигэр киирбитэ, оттон Мииринэй оройуонуттан Аида Трифонова дьиэ кэргэҥҥэ, ийэҕэ, аҕаҕа уонна оҕоҕо өҥөтүн иһин бириэмийэ лауреатын аатын сүкпүтэ. Киһи олоҕун үлэтинэн, көҕүлээһининэн уонна дьоҥҥо кыһамньытынан тупсарар Саха Сирин дьонунан киэн туттабын. Биһиги өрөспүүбүлүкэбит чопчу маннык дьонтон тирэҕирэн сайдар”, -- диэн суруйда.
Бириэмийэ туһунан
Саҥа сезоҥҥа тоҕус номинация көрүлүннэ, ол иһигэр аан бастаан «Цифровой муниципалитет – дьоҥҥо аналлаах технологиялар» диэн номинация олоххо киирдэ.
“Саха Сирин муниципальнай холбоһугун бэрэстэбиитэллэрин бу бириэмийэҕэ көхтөөхтүк кытталларыгар уонна бастыҥ бырайыактарын көрдөрөллөрүгэр ыҥырабын. Сайаапкалары сэтинньи 29 күнүгэр диэри муниципалитеты.рф порталга туталлар.
Эрэнэбин, Саха сирин хас биирдии улууһугар уонна оройуонугар бүтүн дойду билиэхтээх дьоһуннаах көҕүлээһиннэр бааллар. Кыттааччыларбытыгар ситиһиилэри баҕарабын!”, - диэн Ил Дархан ыҥырда.
Сонун төрдө уонна хаартыска: Айсен Николаев МАКС ханаалыттан
-
0
-
0
-
0
-
0
-
0
-
0
