Дойду Бэрэсидьиэнэ Владимир Путины кытта көрсүһүүгэ өрөспүүбүлүкэҕэ ыытыллар үлэлэр-хамнастар, инники соруктар тустарынан олус холкутук, итэҕэтиилээхтик билиһиннэрбитин көрөн астынныбыт. Киниэхэ эрэлбит өссө төгүл үрдээтэ. Владимир Путин олус сэҥээрэн эрэгийиэн иһинэн ыытыллар уонна ыытыллыбыт үлэлэр-хамнастар туһунан олус болҕомтолоохтук истибитин эмиэ бэлиэтии көрдүбүт. Көрсүһүү түмүгүнэн СӨ Ил Дархана Айсен Николаев үүнэр 2024 сылга Владимир Путины Саха Сиригэр ыытыллыбыт үлэни-хамнаһы билсэ тиийэригэр ыҥырда.
2023 сыл Үлэ сылынан биллэриллибитэ үтүө түмүктэрдээх буолара саарбахтаммат. Дойду Бэрэсидьиэнин үрдүк итэҕэлин ылыан-ылла, онон бу балаҕан ыйыгар буолаары турар өрөспүүбүлүкэбит Ил Дарханын талар биир кэлим куоластааһын күнүгэр Сахабыт Сирин дьоно-сэргэтэ өссө төгүл баһыйар үгүс куолаһынан итэҕэлгитин биллэрэн, өрөспүүбүлүкэбит инники сайдыытын туһугар Айсен Николаевы иккис болдьоххо талыаххыт, өссө үрдүк таһаарыылаахтык үлэни-хамнаһы тэрийэн ыытарыгар кыах биэриэххит диэн эрэнэбит.
Степан Дмитриев, Үөһээ Бүлүү улууһун Балаҕаннаах нэһилиэгин баһылыга, Саха Өрөспүүбүкэтин норуотун хаһаайыстыбатын үтүөлээх үлэһитэ
-
2
-
0
-
0
-
0
-
0
-
0
