РФ Уһук Илини уонна Аартыканы сайыннарыыга миниистир Алексей Чекунков уонна Мурманскай уобалас губернатора Андрей Чибис Аартыкаҕа чэпчэтиилээх ипотеканы киллэрии туһунан этиилэрин судаарыстыба баһылыга өйөөтө. Бу бырагыраама Уһук Илин эрэгийиэҥҥэ көдьүүстээҕин номнуо дакаастаабыта биллэр.
Алексей Чекунков этэринэн, Аартыка эрэгийиэннэрин олохтоохторо чэпчэтиилээх Уһук Илиҥҥи ипотеканы кэҥэтэр туһунан боппуруоһу үгүстүк туруорсубуттарын бэлиэтээтэ. Ити курдук, чэпчэтиилээх ипотека олорор дьиэни атыылаһарга көмөлөһөр, Аартыка зонатыгар саҥа тутааччылар кэлиилэрин көҕүлүүр уонна дьиэ ырыынагын сыанатын үрдээтиитин бытаардар РФ Үпкэ министиэристибэтин кытта улахан быһаарыылар ылылыннылар.
- Чэпчэтиилээх ипотечнай кирэдьиит 2%-тан үрдүө суоҕа. Бырагыраама болдьоҕун 2030 сылга диэри уһатарга этии киллэрэбин, - диэтэ дойду Бэрэсидьиэнэ Владимир Путин.
Санаттахха, чэпчэтиилээх ипотека бырагыраама көмөтүнэн Уһук Илин эрэгийиэннэргэ 74 тыһ. тахса дьиэ кэргэттэр саҥа дьиэлэммиттэрэ биллэр. Маны таһынан, тутуу салаатыгар бырагыраама улахан хамсааһыны таһаарар. Үс аҥаар сыл иһигэр Уһук Илиҥҥэ тутуу кээмэйэ икки төгүл улаатан, сыана үрдээһинэ тохтотуллубута диэн Ил Түмэн пресс-сулууспата иһитиннэрэр.
- 2
- 0
- 0
- 0
- 0
- 0