Маннык быhаарыы РФ Бырабыыталыстыбатын Бэрэссэдээтэлин солбуйааччы - Уhук Илин Федеральнай Уокуругар Бэрэсидьиэн боломуочунай бэрэстэбиитэлэ Юрий Трутнев ыыппыт Дьокуускайга снайпердары бэлэмниир ытыы киинин үлэтин туhунан боппуруостарга сүбэ мунньахха ылылынна.
Вице-премьер Аҕа дойду Улуу сэриитин сылларыгар Саха Сирэ бастыҥ ытааччыларынан, снайпердарынан аатырбытын, 25 киhи Сэбиэскэй Сойуус Дьоруойдарынан буолбуттарын аҕынна. Кини турниры бу Дьоруойдартан биирдэстэригэр аныахха сѳбүн эттэ. «Биhиги байыастарбыт анал байыаннай дьайыы зонатыгар кѳдьүүстээхтик үлэлииллэр. Кинилэр эрчиллэллэригэр уонна маастарыстыбаларын үрдэтинэллэригэр наадалаах усулуобуйалары тэрийэн кѳмѳлѳhүѳхтээхпит», — диэтэ.
Саха Сирин Баhылыга Айсен Николаев маннык күрэхтэhии ыытылларын ѳйѳѳтѳ. Онуоха снайпердары бэлэмниир ытыы киинэ дойдуга дьоhун суолталаах эбийиэк буоларын бэлиэтээтэ.
Турнир Сэбиэскэй Сойуус Дьоруойа, номоххо киирбит улуу снайпер Федор Матвеевич Охлопков кэриэhигэр ананара былааннанар.
Мунньахха киин үлэтин туhунан салайааччы, Арассыыйа Дьоруойа Александр Колесов кэпсээтэ.
-
0
-
0
-
0
-
0
-
0
-
0
