Парламент спикерэ Алексей Еремеев Вячеслав Куличкины норуот дьокутаатын боломуочуйатын ылбытынан эҕэрдэлээн туран, дастабырыанньатын уонна түөскэ кэтэр бэлиэтин туттарда.
Вячеслав Куличкин 1970 с. сэтинньи 4 күнүгэр Уус Алдан Бороҕонугар күн сирин көрбүтэ, 1997 с. СГУ-ну бүтэрбитэ, идэтинэн физкултуура учуутала, ону таһынан, Инновация үнүбүрсүтүөтүгэр бэлиитикэ технологията диэн бырагырааманан үөрэнэн идэтин таһымын үрдэттибитэ.
Көҥүл тустууга ССРС успуорка маастара, успуорт национальнай көрүҥүгэр Арассыыйаҕа успуорт маастара.
Бэлитиичэскэй уонна уопсастыбаннай диэйэтэл Виктор Губарев олохтон туораабытын кэнниттэн Вячеслав Куличкин 2026 с. тохсунньу 30 күнүгэр КПРФ Саха Сиринээҕи кэмитиэтин бастакы сэкиритээринэн талыллыбыта. Бу иннинэ кини реском иккис сэкиритээринэн үлэлээбитэ.
Вячеслав Куличкин Ил Түмэн IV ыҥырыылаах мунньаҕар дьокутаатынан талыллан үлэлии сылдьыбыта.
Василий Кононов хаартыскаҕа түһэриитэ.
-
1
-
0
-
0
-
0
-
0
-
0
