Бэҕэһээ Арыйаан Тютрин 57 киилэҕэ 1/8 финалга Тютрин Кыргызтаан бөҕөһө, Азия чөмпүйэнээтин боруонса призера Абдумалик Карачовтыын киирсииигэ 5:3 ахсаанынан хоппута. Салгыы аатырбыт Хотугу Кэриэйэ бөҕөһө, аан дойду билиҥҥи чөмпүйүөнэ Чон Сон Ханы кытта туста тахсан хотторбута. Ол гынан баран, Хан полуфинал киирсиитигэр кыайар түбэлтэтигэр, бронза мэтээл иһин салгыы киирсиэн сөп диэн кыра эрэл кыыма баара... Ол кыайан туолбата - аатырбыт Хан соччо биллибэт Рауль Браво Йанг диэн Мексика тустуугун кытта киирсиигэ хотторон кэбистэ. Арыйаан бу чөмпүйэнээккэ үчүгэйдик, кимиилээхтик туһунна диэн ырытааччылар бэлиэтииллэр.
Таджикистантан 74 киилэҕэ тустар Бииктэр Рассадин бастакыттан хотуулаахтык саҕалаан. Узбекистаан тустуугун 11:1 ахсаанынан, салгыы Беларусьтан сылдьар утарылаһааччытын 4:1 кыайан чөмпүйэнээт 1/8 финалыгар тахсыбыта.
Ол иннинэ Бииктэри кыайбыт Казахстаан бөҕөһө Нуркожа Кайпанов полуфиналга аан дойду билиҥҥи чөмпүйүөнэ Аоягины кыайан, биһиги тустуукпутугар боруонса мэтээл иһин салгыы киирсэригэр кыах биэрдэ. Онон күннээх Казахстааҥҥа буола турар турниртан бүгүҥҥү тустууну долгуйа кэтэһэбит.
Хаартыска Дьулурҕан саайтан
-
0
-
0
-
0
-
0
-
0
-
0
