СӨ судьуйаларын квалификационнай кэллиэгийэтигэр уопсастыбаннас бэрэстэбиитэллэрэ боломуочуйаларын болдьоҕо бүтэн, түөрт вакантнай дуоһунаска докумуоннары туттарыы кулун тутар 23 күнүгэр диэри ыытыллыбыта. Түөрт этии киирбититтэн икки хандьыдаат докумуоннарын бэрэбиэркэлии сылдьаллар, оттон икки кандидатураны кэмитиэт мунньаҕар кулун тутар 24 күнүгэр көрбүттэр.
СӨ судьуйаларын квалификационнай кэллиэгийэтигэр уопсастыбаннас бэрэстэбиитэллэрэ боломуочуйаларын болдьоҕо бүтэн, түөрт вакантнай дуоһунаска докумуоннары туттарыы кулун тутар 23 күнүгэр диэри ыытыллыбыта. Түөрт этии киирбититтэн икки хандьыдаат докумуоннарын бэрэбиэркэлии сылдьаллар, оттон икки кандидатураны кэмитиэт мунньаҕар кулун тутар 24 күнүгэр көрбүттэр.
Ол туһунан Ил Түмэн XVIII пленарнай мунньаҕар судаарыстыбаннай тутууга уонна сокуону таһаарыыга сис кэмитиэт бэрэссэдээтэлэ Афанасий Владимиров иһитиннэрдэ.
РФ Сэбилэниилээх күүһүн бэтэрээннэрин бүтүн Арассыыйатааҕы уопсастыбаннай түмсүүтүн Саха Сиринээҕи салаата Николай Иванов, СӨ Үһүс саас оскуолатын уопсастыбаннай түмсүүтэ Ньургун Тимофеев кандидатуратын киллэрбит. Кинилэр сокуон ирдэбилигэр эппиэттииллэрин, сис кэмитиэт өйүүрүн истэн баран норуот дьокутааттара кистэлэҥ куоластааһын быһыытынан, киирбит хандьыдааттары өйүүллэрин биллэрдилэр.
Василий Кононов хаартыскаҕа түһэриитэ.
0
0
0
0
0
0
