Издательский дом Редакция Подписка
Погода в Якутске: . -14 oC

Аан дойду олоҕун сүпсүлгэнэ чыпчылыйыах да түгэҥҥэ чуумпурбат, тохтообот. Биир кэм өрө оргуйа, ытылла олорор. Салгыы ааһан эрэр нэдиэлэҕэ Сир Ийэ үрдүгэр буола турар сүрүн бэлитиичэскэй дьалхааннар тустарынан эһиэхэ кэпсиибит.

Аан дойду олоҕун сүпсүлгэнэ чыпчылыйыах да түгэҥҥэ чуумпурбат, тохтообот. Биир кэм өрө оргуйа, ытылла олорор. Салгыы ааһан эрэр нэдиэлэҕэ Сир Ийэ үрдүгэр буола турар сүрүн бэлитиичэскэй дьалхааннар тустарынан эһиэхэ кэпсиибит.

Перу бэрэсидьиэнэ быһаарылынна

Перу бэрэсидьиэнэ быьаарылынна

Бэнидиэнньиккэ “РИА Новости” Перуга куоластааһын түмүгүнэн конгрессмен Франсиско Сагасти дойду сокуону таһаарар уорганын салайааччытынан талыллыбытын уонна быстах кэмҥэ бэрэсэдьиэн дуоһунаһыгар олорбутун туһунан иһитиннэрбитэ.

Конгресс бастакы вице-спикерынан Мирта Васкес талылынна. Кини Сагасти бэрэсэдьиэн буолар түгэнигэр, Конгреһы салайыахтаах.

Парламент саҥа салалтатын 97 конгрессмен өйөөбүт. 26 – утарбыт. Туттуммут – суох.

Бу иннинэ Перу Конгреһын суһал мунньаҕар Перу өрөспүүбүлүкэтин саҥа баһылыга кыайан талыллыбатаҕа. Конгрессменнар биир сүбэҕэ сатаан кэлбэтэхтэрэ. Онон саҥа хандьыдааттар турбуттара. Ити күн Мануэля Мерино быстах кэмнээх бырабыыталыстыбата былааска аҕыйах хонон баран, бырачыас аахсыйатын кэмигэр икки киһи суорума суолланан, уурайарга күһэллибитэ.

Санатан эттэххэ, сэтинньи 9 күнүгэр Перу Конгреһа дойду бэрэсэдьиэнэ Мартин Вискарру норуот итэҕэли сүтэрбитин туһунан (импичмент) биллэрбитэ. Бэлиитик 2011-2014 сс. Мокегуа күбүрүнээтэринэн үлэлии сылдьан бэрик ылыыга уорбаланар.

Евразия туонатыгар

 Евразия туонатыгар

Сэтинньи 17 күнүгэр РФ Судаарыстыбаннай Думатыгар Евразия экэнэмиичэскэй сойууһун судаарыстыбаларыгар табах бородууксуйатыгар биир кэлим акциз олохтонорун туһунан сокуон барыла көрүлүннэ.

2024 сылтан Белоруссияҕа, Арменияҕа, Казахстаҥҥа, Киргизияҕа уонна Арассыыйаҕа барыларыгар биир тэҥ биэс сыллаах акциз ыстаапката олохтонуоҕа. Бу докумуон 2019 сыл ахсынньы 19 күнүгэр ылыллыбыт табах бородууксуйатын усулуобуйаларын бэрээдэктиир туһунан сөбүлэҥҥэ олоҕурар. Саҥа сокуон олоххо киирдэҕинэ, ЕАЭС дойдуларыгар үлэлиир табах оҥорор хампаанньалар 1 тыһ. устуука табах аайы 35 евроҕа тэҥнээх акциз ыстаапкатын нолуок быһыытынан төлүүр буолуохтара.

 

“Родченков аактата” бигэргэннэ

Родченков аактата бигэргэннэ

АХШ Сенатыгар Эмиэрикэ спортсменнара кыттыылаах спортивнай тэрээһиннэргэ допинг туттуллубута билиннэҕинэ, АХШ сууттарыгар буруйдаахтары утары холуобунай дьыалалары көбүтэллэригэр көҥүл биэрэр сокуон барылын бигэргэттилэр. Сэтинньи 17 күнүгэр докумуон АХШ бэрэсидьиэнин илии баттааһыныгар киирдэ.

Эмиэрикэ саҥа сокуонунан допиҥы туттубат буолуу быраабылаларын кэһээччилэр эппиэккэ тардыллаллар. Ол курдук, буруйданааччылар 1 мөл. дуолларга диэри ыстыраап төлүүллэр уонна көҥүллэрэ 10 сылга хааччахтанар. Сокуон допиҥы туттубут спортсмены сойуоласпат. Бу сокуон АХШ иһинээҕи бэйэтин идэтийбит лигаларыгар (НБА, НХЛ, о.д.а.) үлэлээбэт.

Саҥа докумуоҥҥа Аан дойдутааҕы допиҥы утары аҕыаныстыба  иһитиннэрээччитин Григорий Родченков аатын иҥэрдилэр. Бу киһи Москватааҕы допинг лабаратыарыйатыгар дириэктэринэн үлэлээбитэ. Кэлин Г. Родченков Эмиэрикэҕэ көспүтэ уонна “Арассыыйаҕа допиҥы туттууну судаарыстыба таһымыгар өйүүллэр” диэн сураҕы тарҕатан улахан айдааны тарда сылдьыбыта. Ол эрээри, эспиэрдэр Аан дойдутааҕы олимпийскай кэмитиэккэ Г. Родченков сайабылыанньатыгар илии баттааһынын үтүгүннэрбиттэр, сымыйанан оҥорбуттар диэн быһаарбыттара. Онон Г. Родченков аатын холуннарбыт, дойдутун аатын олох да түһэн биэрбэтэх буолуон эмиэ сөп.

Израиль Сирияны ытыалаата

Сэрэдэ үүнэр түүнүгэр Израиль байыаннай сөмөлүөттэрэ Иран ислам өрөбүлүүссүйэтин харабылларын куорпуһун “Аль-Кудс” диэн анал күүстэрин эбийиэктэрин аракыатанан ытыалаатылар. Бу иннинэ Израиль саллааттара Голанскай үрдэлгэ бэйэ оҥоруу буомбалары булбуттара.

Ол курдук, оптуорунньукка Израиль аармыйатын күүстэрэ Голанскай үрдэлгэ Иран байыаннайдарын салалтатынан Сирия этэрээтэ буомбалары уура сылдьарын туппуттара. Ону иэстэһэн Израиль Иран байыаннай эбийиэктэрин ытыалаата. Ытыалааһын содулугар Сирия үс байыаннайа суорума суолланна уонна биир улаханнык бааһырда диэн Сирия оборуонатын министиэристибэтэ иһитиннэрдэ.

Санатан эттэххэ, 1944 сылтан Голанскай үрдэл Сирия бас билиитигэр киирбитэ. Ол гынан баран, 1967 сыллаахха “Алта күннээх сэрии” түмүгүнэн Израильга көспүтэ. Бу түөлбэни 1981 сыллаахха Израиль бэйэтин бас билиитинэн биллэрбитэ. Ону ХНТ Сэбиэтэ сокуоннайа суоҕунан аахпыта. Инньэ гынан күн бүгүнүгэр диэри Голанскай үрдэр мөккүөрдээх түөлбэнэн биллэр.  

Дональд Трамп бырачыаһын өйөөбөтүлэр

Дональд Трамп бырачыаьын ейеебетулэр

Сэтинньи 18 күнүгэр ТАСС Пенсильвания штатын Үрдүкү суута АХШ бэрэсидьиэнин Дональд Трамп штабын Филадельфия быыбарыгар бырачыаһын өйөөбөтө диэн иһитиннэрдэ.

Д. Трамп штаба “Филадельфияҕа быыбар кэмигэр кэтээн көрөөччүлэргэ хааччахтааһыннары үөскэттилэр. Бүллүтүөнү ааҕыыга чугаһаппатылар” диэн бырачыастаһа, үҥсүһэ сатаата. Ол эрээри Үрдүкү суут: “Быыбар хамыыһыйата быыбар кодексатыгар олоҕуран үлэлээбит. Бэрээдэги кэһии бэлиэтэммэтэх” диэн төрүөтүнэн бырачыаска аккаастаабыт. Онон Дональд Трамп дьыалата “хаахтыйда”. Быыбар түмүктэрин саҥаттан аахтарар кыаҕа саарбахтанна. Холобур, кини үҥсүүтүн биэс суудьуйа туораппыт, икки эрэ өйөөбүт.

Санатан эттэххэ, АХШ бэрэсидьиэнин быыбара сэтинньи 3 күнүгэр саҕаламмыта уонна Москва бириэмэтинэн сэрэдэ сарсыарда 09:00 ч түмүктэммитэ. Эмиэрикэ сокуонунан дойду бэрэсидьиэнэ уопсай куоластааһын түмүгүнэн талыллыбат. Кинини быыбардааччылар коллегиялара талар. Онно 538 быыбардааччы киирэр. Өскөтүн штат нэһилиэнньэтин 50 %-тан элбэх куоластааччыта хандьыдааты өйөөтөҕүнэ, быыбардааччылар куоластара барыта ол хандьыдаакка ананар. Быыбарга 270 элбэх быыбардааччы куолаһын ылбыт хандьыдаат кыайыылаах тахсар.

Эйэни олохтооччулара Хайалаах Харабаахха киирдилэр

Эйэни олохтооччулар Хайалаах Карабахха

Сенатордар Арассыыйа сэбилэниилээх күүстэрин кыраныысса таһыгар таһаарар туһунан боппуруоһу көрдүлэр. Парламент үрдүкү палататыгар Хайалаах Харбаахха буола турар хабыр хапсыһыыга Арассыыйа Федерациятын эйэни олохтооччуларын (миротворецтарын) киллэрэр туһунан Арассыыйа бэрэсидьиэнин көрдөһүүтүн ылыннылар.

РФ бэрэсидьиэнин Федерация Сэбиэтигэр боломуочуйалаах бэрэстэбиитэлэ Артур Муравьев сэтинньи 9 күнүгэр Азербайджан бэрэсидьиэнэ, Армения премьер-миниистирэ уонна Арассыыйа бэрэсидьиэнэ сэтинньи 10 күнүттэн Хайалаах Харабаахха байыаннай дьайыылары тохтотор туһунан сөбүлэҥ түһэрсиллибитин бэлиэтээтэ .Сөбүлэҥ усулуобуйатынан, сэриилэһэр судаарыстыбалар эйэни тутуһалларын хааччыйарга уонна эйэлээх нэһилиэнньэни көмүскүүргэ РФ Бэрэсидьиэнин Владимир Путин этиитинэн эйэни олохтооччулар Хайалаах Харабаахха киириэхтээхтэр.

РФ Төрүт сокуонунан, бэрэсидьиэн сэбилэниилээх күүстэри дойду таһыгар таһаарарыгар хайаан даҕаны Федерация Сэбиэтин сөбүлэҥин ылыахтаах. Эйэни олохтооччулар (2 тыһ. кэриҥэ саллаат) байыаннай иирсээн сиригэр кыччаабыта 5 сылга үлэлииллэрэ былааннанар. Бэрэсидьиэн көрдөһүүтүн сенатордар бары өйөөбүттэр.

Санатан эттэххэ, сэтинньи 10 күнэ үүнэр түүнүгэр Москва, Баку уонна Ереван сэриини тохтотор туһунан үс өрүттээх сөбүлэҥ түһэрсибиттэрэ. Сөбүлэҥ усулуобуйатынан, Азербайджан уонна Армения байыаннайдара билиҥҥи кирбиилэринэн тохтуохтаахтар уонна билиэннэйдэринэн атастаһыахтаахтар. Эбии туспа пуунунан – Арассыыйа эйэни олохтооччуларын киириилэрэ этиллэр.

Токиоҕа коронавирус куттала улаатар

TOKYO, JAPAN - APRIL 2 : People wearing face masks are seen during the rush hours amid restrictions against the spread of coronavirus (COVID-19) pandemic in Tokyo, Japan on April 02, 2020. The economic activities in the capital of Japan still continue amid the new type coronavirus (COVID-19) outbreak while the number of rises with more infected people announced as 1996 with the death toll of 62. ( David Mareuil - Anadolu Agency )

Токиоҕа эпидемиологическай балаһыанньа уустугурда. Олохтоох былаастар коронавирус тарҕаныытын кутталын 4-с таһымҥа (саамай улахаҥҥа) тиийэ үрдэтэр туһунан боппуруоһу көтөхтүлэр. Ити туһунан NHK телерадиохампаанньа иһитиннэрэр.

Япония киин куоратын дьаһалтата эрэстэрээннэр уонна уопсастыбаннай аһылык тэрилтэлэрэ үлэлиир кэмнэрин кыччаталларыгар этии киллэриэн баҕарар. Ол гынан баран, локдаун (хааччахтааһын, биир сиргэ олоруу) билиҥҥитэ былааннана илик. Сэтинньи 18 күнүгэр Токиоҕа 493 киһи коронавируска сыстан улахан аймалҕан тахсыбыт. Итиччэ ыарыһах дойду киин куоратыгар атырдьах ыйын 1 күнүгэр эрэ бэлиэтэммитэ. Онно 472 киһи анаалыһа бигэргэммитэ. Хамсык кэмин устата Токиоҕа уопсайа 35 тыһ. кэриҥэ киһи ыарыйда.

Санатан эттэххэ, Токиоҕа 14 002 973 киһи олорор. Ол аата сэтинньи 18 күнүгэр нэһилиэнньэтин уопсай ахсааныттан 0,0035 %-на ыалдьыбыт. Маны Дьокуускайы кытта тэҥниэххэ. Өрөспүүбүлүкэ киин куоратын нэһилиэнньэтэ – 322 987 киһи. Сэтинньи 18 күнүгэр 124 киһи (221 киһи өрөспүүбүлүкэ үрдүнэн) коронавируска сутуллубут. Ол эбэтэр 0,0383 %. Атыннык эттэххэ, биһиги аччыгый куораппытыгар ити күн нэһилиэнньэтигэр таһаардахха, 10 төгүл элбэх киһи ыалдьыбыт. Ол эрээри, ким да онно аахайбат. Токиоҕа курдук аймаммат. Этэргэ дылы, хайдах эрэ хомолтолоох...  

  • 0
  • 0
  • 0
  • 0
  • 0
  • 0

Комментарии (1)

This comment was minimized by the moderator on the site

Наьаа элбэх киьи олбут ди Саха Сиригэр того кистиигит Правительство того аймаммат Роспотребнадзор статистиканы олозтоохтук биэр надзорунан эрэ дьарыктын Олон да бутээри гынныбыт Правитво НАС кор иьит туох аатай!

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23