Дойду бэрэсидьиэнэ Анал этиитин Федеральнай Мунньаҕы кытта сирэй көрсөн оҥоруоҕа. Маныаха мэлдьи буоларын курдук, Кириэмил судаарыстыба баһылыга таарыйыахтаах тиэмэлэрин эрдэттэн арыйбат, бүтэһиккэ диэри кистэлэҥҥэ тутар. Ол да буоллар, дойду бэрэсидьиэнин пресс-сэкирэтээрэ Дмитрий Песков “Россия-1” ханаалга интервьютугар Анал этии хамсык кэннинээҕи миэрэлэргэ, кириисистэн тахсыыга уонна судаарыстыба өйөбүллэригэр ананыаҕа диэн таайтаран эппиттээх.
Бу улахан көрсүһүүгэ Саха сириттэн Ил Дархан Айсен Николаев уонна Ил Түмэн спикера Петр Гоголев кытталлара былааннанар. Анал этиигэ киирэргэ ыалдьыттар 3 төгүллээн коронавирус анаалыһын туттараллар диэн эрдэтээҕи сонуннарга суруналыыстар суруйбуттара.
-
0
-
0
-
0
-
0
-
0
-
0
