«Учуутал идэтин аптарытыатын үрдэтэр уонна идэлэринэн дьарыктаналларыгар табыгастаах усулуобуйаны хааччыйар сыалтан, Арассыыйа Федерациятыгар учуутал ураты статуһун уонна бүгүҥҥү уонна кэлэр көлүөнэлэр интэриэстэригэр уопсастыба интеллектуальнай, сиэр-майгы уонна култуурунай кыаҕын харыстааһын уонна сайыннарыы туһугар гражданнары үөрэтиини уонна иитиини хааччыйар учуутал идэтин уопсастыбаннай суолтатын билиниллэрин олохтуурга», — диэн Бэрэсидьиэн Ыйааҕар этиллэр.
Маны сэргэ, учууталларга идэлэригэр сайдыы уонна үүнүү, кинилэр профессиональнай соруктарын көдьүүстээхтик толоруу наадалаах усулуобуйаларын хааччыйыы мэктиэлэнэр. Бу манна киирэр: Педагогическай үлэни аан бастаан саҕалыыр учууталларга настаабынньыктааһын; Электроннай үөрэх өрөсүүрэсэлэрин босхо туһаныы; Уопсай ыстаастара 25 сылтан итэҕэһэ суох буоллаҕына, «Үлэ бэтэрээнэ» ааты иҥэрии.
Итини таһынан, учууталларга ыйга бииртэн итэҕэһэ суох төгүл судаарыстыбаннай уонна муниципальнай түмэллэргэ босхо сылдьар быраап; педагогическай үлэни толорууга сыһыаннаах боппуруостарынан босхо юридическай көмөнү ылар быраап, ону тэҥэ педагогическай үлэни толоруунан сибээстээн олоххо уонна доруобуйаҕа куттал суоһууруттан көмүскэнии бэриллэр.
Бэрэсидьиэн бырабыыталыстыбаҕа Арассыыйаҕа учуутал статуһун бигэргэтэр дастабырыанньа биир кэлим барылын олохтуурга, ону тэҥэ учууталлар үлэ бириэмэлэрин эрэсиимигэр уонна кинилэр үөрэх ноҕуруускаларыгар ирдэбиллэри тупсарарга сорудахтаата.
Владимир Путин учуутал уопсастыбаҕа саамай суолталаах функциялары толорорун тоһоҕолоон бэлиэтээтэ.
«Билиҥҥи ситимнэр ханнык да көрүҥнэрэ, биллэн турар, киллэриллиэхтээхтэр, киллэриллэллэр уонна киллэриллиэхтэрэ, кинилэр хаһан да учуутал, преподаватель, настаабынньык тыыннаах тылы солбуйуохтара суоҕа», — диэн түмүктээтэ кини.
Маҥнайгы чуораан чугдаарда. Үөрэнээччилэри —уһун үөрэх ыйдара, саҥа арыйыылар күүтэллэр. Ситиһиилээх, таһаарыылаах үөрэх дьылын!
-
1
-
0
-
0
-
0
-
0
-
0
