2011 сыллаахха ылыллыбыт «Арассыыйа Федерациятыгар босхо юридическай көмөнү оҥорор туһунан» федеральнай сокуон чэрчитинэн, босхо юридическай көмөнү ылар гражданнар кэрискэлэрэ кэҥэтиллибит. Ол курдук, бу кэрискэҕэ 2022 сыл олунньу 22 күнүттэн Донецкай, Луганскай өрөспүүбүлүкэлэргэ, Украина сиригэр-уотугар анал байыаннай дьайыыга кыттыбыт, кытта сылдьар байыаннай сулууспалаахтар, Росгвардия байыастара, быстах хомуурунан ыҥырыллыбыт дьоннор, полиция үлэһиттэрэ уонна командировканан тиийэн үлэлээбит, үлэлии сылдьар араас идэлээх исписэлиистэр итиэннэ кинилэр дьиэ кэргэттэрэ (төрөппүттэрэ, ойохторо, оҕолоро уонна кинилэр иитимньилэригэр сылдьар дьоннор) киллэриллибиттэр.
Манна даҕатан өҥө бу көрүҥүн норуот дьокутаата Павел Пинигин саҕалаабытын санатар тоҕоостоох. Кини өссө 2021 сыл күһүнүттэн “Квадрат” юридическай тэрилтэни кытта сөбүлэҥ түһэрсэн, 30 №-дээх Чурапчытааҕы быыбардыыр уокурук нэһилиэктэрин олохтоохторугар уонна дьаһалталарыгар босхо юридическай көмөнү тэрийбитэ, онно болҕомто бастакынан анал байыаннай дьайыыга сыһыаннаах боппуруостарга ууруллар. Ол туһунан биһиги «Ил Түмэн» хаһыат 2022 с. ахсынньы 23 күнүнээҕи нүөмэригэр суруйан турабыт.
-
0
-
0
-
0
-
0
-
0
-
0
