Бырабыыталыстыба тутулугар уларыйыы тахсан, эрдэ үс бастакы вице-премьер ыстаата баарыттан биирэ сарбыллан (бу дуоһунаска үлэлээбит Дмитрий Бердников Мариуполь куорат баһылыгын солбуйааччынан үлэлии сылдьар), Бырабыыталыстыба Бэрэссэдээтэлин солбуйааччы өссө биир дуоһунаһа баар буолбут.
Ил Дархан Айсен Николаев быһаарыытынан, Бырабыыталыстыба Бэрэссэдээтэлин солбуйааччы Георгий Степанов Үлэ уонна социальнай сайдыы министиэристибэтин, Урбаан, эргиэн уонна туризм министиэристибэтин, Нэһилиэнньэ дьарыктаах буолуутугар судаарыстыбаннай кэмитиэт уонна Бырабыыталыстыба иһинэн ГТАС управлениетын үлэлэрин-хамнастарын сүрүннүөхтээх. Итинэн нэһилиэнньэ олоҕун таһымын үрдэтэр, саҥа үлэ миэстэлэрин таһаарар, дьадайыыны утары охсуһар, социальнай өйөбүл бэлиитикэтин күүһүрдэр сыаллаах хайысхаларынан ыытыллар үлэ күүһүрдүллэн биэрбит.
- 2
- 0
- 0
- 0
- 0
- 0