«Биһиги быйыл РФ Бэрэсидьиэнэ Владимир Путин көҕүлээһининэн, оскуолаларга, үрдүк үөрэх кыһаларыгар иитии үлэтин күүһүрдэргэ аналлаах сокуону ылыммыппыт. Патриотическай иитии боппуруоһа сытыытык турарын бары бэркэ диэн өйдүүбүт. Ол эрээри, ханнык баҕарар кыһалҕаны быһаарыыга үп улахан оруоллаах. Ол иһин «Биир ньыгыл Арассыыйа» баартыйа генеральнай сэбиэтин сэкирэтээрэ Андрей Турчагы уонна кэллиэгэлэрим буолан, патриотическай иитии бырагырааматын үбүнэн хааччыйар сыалтан тустаах сокуоҥҥа уларытыыны киллэрэргэ анал бырайыак бэлэмнии сылдьабыт», -- диэн Андрей Исаев бэлиэтээбит.
Михаил Мишустины кытта үс сыллаах бүддьүөтү быһаарсыы мунньаҕар тустаах баартыйа генеральнай сэбиэтин сэкирэтээрэ Андрей Турчак тустаах докумуоҥҥа уларытыылары киллэрэргэ кэккэ этиилэри эппит. Ол курдук, тыа сирин култуураҕа дьиэлэрин өрөмүөннээһиҥҥэ сөптөөх үбү көрөргө санаатын үллэстибит. Михаил Мишустин мунньах кэмигэр этиллибит боппуруостарга РФ Бырабыыталыстыбата сөптөөх быһаарыныыны ылыаҕа диэн эрэннэрбит.
-
0
-
0
-
0
-
0
-
0
-
0
