Уопсайынан, религия тиэмэтин быһа-бааччы быһаарар, ырытар сыыһа, тоҕо диэтэххэ оннук хаҕыстык саҥаран, сүүһүнэн мөлүйүөн киһини өһүргэтиэххин, утары туруоруоххун сөп.
Жириновскай бэйэтин эрэ көрдөрөөрү, дьон сүгүрүйэр сибэтиэй өйдөбүллэрин тэпсэр, туох да сиэрэ суох куолулуур. Холобура, Кыһыл болуоссакка баар мавзолейы уонна Ленини наар үөҕэн тахсар. Ону КПРФ чилиэннэрэ “антикоммунизм уонна антисоветизм” курдук ылынабыт. Оттон бырааттыы Белоруссия сокуоннай Бэрэсидьиэнин Александр Лукашенконы сирэй-харах анньарын, оруна суох баһааҕырдарын биһиги баартыйабыт “русофобия” курдук көрөр. Бу -- РФ тас бэлиитикэтин бэрээдэгэр киирбэт сиэр-майгы. Хомойуох иһин, кини норуоту утары туруорар ити ньыматын сорох хаһыаттар, ханааллар өйүүллэр.
Чечня баһылыга сөпкө этэр, тыл көҥүлэ уонна оруо-маһы ортотунан мээнэ саҥарыы диэн атын-атыннарын. Биһиги судаарыстыбабыт бэлиитикэтин сүрүн тосхоло -- или-эйэни уонна өйдөһүүнһ олохтооһун. Сэбиэскэй Сойуус саҕаттан оннук. Хас норуоту, өрөспүүбүлүкэни сомоҕолуу тутан олорбуппутуй? Ол иһин фашизмы кыайбыппыт.
Биһиги баартыйабыт норуот сүгүрүйэр өйдөбүллэригэр, сыаннастарыгар уонна итэҕэллэригэр өрүү ытыктабыллаахтык сыһыаннаһар” диэн суруйар РФКП бэрэссэдээтэлэ Геннадий Зюганов.
-
0
-
0
-
0
-
0
-
0
-
0
