“2015 сыллаахха эспиэрдэр 180 дойдуну ылан, коррупция таһыма хайдаҕын бэрэбиэркэлээбиттэрэ. Биһиги 119-с сылдьарбыт. Оттон билигин 139-с кэрдиискэ түспүппүт. Ити тугу көрдөрөр? Аҕа дойду Улуу сэриитин кыайбыт дойду ыччаттара сүүлүктэргэ уонна уоруйахтарга кубулуйбуттарын. Күн аайы чунуобунньуктар төһө мөлүйүөнү апчарыйбыттарын сонуннартан истэбит.
Киһи кыһыйыах, дойдуну ыспыт, судаарыстыба баайын приватизациянан сирэйдэнэн, олигархтарга түҥэппит Анатолий Чубайс аны омук тэрилтэлэрин кытта сибээһи олохтуурга бэрэсидьиэн анал бэрэстэбиитэлинэн ананна! “Устойчивое развитие страны” оҥоро кэлбит үһү. Үтүмэн үп бараммыт “Роснано” тэрилтэни сайыннарбакка, биир арыйыыны оҥорбокко гынан баран, Кириэмилгэ киирбит.
Дьиҥнээхтик коррупцияны кытта охсуһар буоллахха, ХНТ коррупцияны утары конвенциятын 20-с ыстатыйатын Арассыыйа бигэргэтиэн наада. Онно “чунуобунньук ылар дохуотунааҕар элбэх активтаах буоллаҕына, холуобунай дьыалаҕа тардыллар” диэн суруллар. Иккиһинэн, уорбут дьон иҥэриммит баайдарын 100 бырыһыан төнүннэрэллэрин ирдиэххэ. Үсүһүнэн, тэрилтэ салайааччылара хамнастарын аһаҕастык очуоттаатыннар. Холобура, “Газпром” быйыл ночоот бөҕөлөөҕүн билэбит, ол эрээри тойотторун аҥаардас бириэмийэлэрэ эрэ мөлүйүөнүнэн солкуобай.
Кытай сиэмэх чунуобунньуктарын кыдыйан, хаайан иһэр буолан, онно норуоту сүүлүктүүр салайааччы диэн суох. Хомуньуус баартыйа норуотун сөптөөх суолунан сирдээн иһэр”, -- диир Геннадий Зюганов.
-
0
-
0
-
0
-
0
-
0
-
0
