«Муус устар 21 күнүн кэнниттэн гаас ситимигэр дьон бэйэтин үбүнэн холбоммута. Төһө да социальнай гаастааһын бырагыраамата үлэлиэҕин туһунан сонун тахсыбытын үрдүнэн, онно ылылла илигэ. Ол иһин биһиги бу дьон ороскуотун толуйарга этии киллэрбиппит», -- диэн «Биир ньыгыл Арассыыйа» баартыйа сэкирэтээрэ Андрей Турчак эппит.
Ол курдук, РФ бырабыыталыстыбата гаас ситимигэр холбонуу ороскуотун толуйар буолбут. Социальнай гаастааһын бырагырааматын докумуонун кулун тутарга оҥорбуттар. Оттон баартыйа этиитин РФ Бэрэсидьиэнэ муус устар ыйыгар өйөөбүт. Онон муус устар 21 күнүгэр диэри, ол эбэтэр Владимир Путин бырагырааманы өйөөбүтүн кэнниттэн, ол эрээри бырагыраама официальнайдык бигэргэммитин иннинэ дуогабар түһэрсибит дьон гаас ситимигэр холбоноллоругар ыыппыт үптэрин төнүннэриэхтэрин сөп.
Санатар буоллахха, бэс ыйын 1 күнүгэр босхо гаас ситимигэр холбонуу социальнай бырагырааманы Госдума иккис уонна үһүс ааҕыыга ылыммыта. 10 күн буолан баран Владимир Путин докумуоҥҥа илии баттаабыта.
-
0
-
0
-
0
-
0
-
0
-
0
