Көмөнү кыра дохуоттах ыалларга уонна биирдиилээн дьоҥҥо оҥороллор. Бу туһунан СӨ Үлэҕэ уонна социальнай сайдыыга министиэристибэтэ иһитиннэрэр.
СӨ Ил Дархана Айсен Николаев быһаарыытынан, Бырабыыталыстыба 2022 сыл ыам ыйын 11 күнүнээҕи 268-с №-дээх уураахха уларытыылары киллэрдэ. Ол курдук, биир кэмнээх аадырыстаммыт көмө Балаһыанньатыгар кэтэх дьиэлэри гаастааһыҥҥа көмө харчы кээмэйэ улаатта, хабар араҥата кэҥээтэ.
Хас биирдии бас билии кэтэх дьиэтигэр көмө харчы кээмэйэ 150 тыһ.солкуобайга тэҥнэстэ. Маны тэҥэ материальнай көмөнү туһанааччылар испииһэктэригэр соҕотох олорор үлэлээбэт пенсионердары киллэрдилэр. Ол эрээри кинилэр дохуоттара тииһинэн олоруу кээмэйиттэн, гаас холбонор кэмигэр, икки төгүл кыра буолуохтаах.
Маны тэҥэ олорор дьиэлэри гаастааһыҥҥа материальнай көмө аадырыһынан оҥоһулларыгар бэриллиэхтээх докумуоннар биэрэчиннэрэ чуолкайданна уонна эбилиннэ.
Манна быһааран эттэххэ, киллэриллибит уларыйыылар гааһы киллэрии быраабын 2022 сыл тохсунньу 1 күнүттэн ылбыттарга тарҕанар.
-
1
-
0
-
0
-
0
-
0
-
0
