Руслан Михайлович салайар үлэҕэ саҥа киһи буолбатаҕын үгүс киһи билэр. Кини «Биир ньыгыл Арассыыйа» баартыйатыгар 2007-2008 сс. үлэлии сылдьыбыта. Оччолорго Руслан Михайлович эбээһинэһинэн эдэр ыччаты кытары үлэҕэ сүрүн исписэлиис этэ.
Ааспыт сылга баартыйалар үлэлэригэр улахан уларыйыылар тахсыбыттара. «Биир ньыгыл Арассыыйа» дойдубут баһылыыр сүрүн баартыйата, быыбарга хомуньуустартан көрдөрүүтэ намтаан, маннык кэккэ уларыйыылар киирдэхтэрэ диэн сабаҕалыахха сөп. Онон саҥа салайааччынан анаммыта баартыйа өттүттэн амаҕаччылаах хардыы буолуо диэн толкуйдуохха наада.
Ыспыраапка:
Руслан Михайлович Платонов 1980 сыл сэтинньи 13 күнүгэр Таатта улууһун Ытык Күөл сэлиэннэтигэр күн сирин көрбүтэ.
1998 сыллаахха Ытык Күөл 1-кы нүөмэрдээх оскуолатын бүтэрбитэ.
2003 сыллаахха Саха государственнай университетын (ХИФУ) бүтэрэр уонна «Филолог» идэтин баһылыыр. 2011 сыллаахха Российскай Федерация Президенин иһинэн Арассыыйа норуотун хаһаайыстыбатын уонна судаарыстыбаннай сулууспатын акадьыамыйатыгар «Политология. Анализ и прогноз» идэҕэ уһуйуллар.
2001-2004 сс. - «Табыс» Таатта устудьуоннарын уонна ыччаттарын түмсүүтүн салайааччыта.
2003-2004 сс. - «Моя квартира в Якутии» хаһыат кэрэспэдьиэнэ.
2004-2007 сс. «Саха Сирэ» хаһыат кэрэспэдьиэнэ.
2005-2007 сс. Дьокуускай куоракка олорор биир дойдулаахтарын «Таатта» түмсүү бэрэссэдээтэлин солбуйааччы, кэлин 2011-2013 сс. бэрэссэдээтэлэ.
2006 сыллаахха «Орто Дойду» хаһыат бас эрэдээктэрин солбуйааччыта.
2006-2007 сс. СӨ Президенин иһинэн Дьиэ кэргэн уонна оҕо кэмитиэтин исписэлииһэ.
2007-2008 сс. «Биир ньыгыл Арасыыйа» бэлитиичэскэй баартыйатын эдэр ыччаты кытары үлэҕэ сүрүн исписэлииһэ.
2008 сыл кулун тутар 20 күнүттэн СӨ Ил Түмэн регламентнай хамыыһыйа мандаатын бэрэссэдээтэлэ.
2017-2018 сс. Дьокуускай куорат Гагаринскай уокурук бырабылыанньатын салайааччыта.
2018-2019 сс. СӨ Олоххо-дьаһахха уонна коммуникацияҕа миниистирин бастакы солбуйааччыта.
2019-2021 сс. СӨ Бырабыыталыстыбатын уонна куорат дьаһалтатын олохтоох бэйэни салайыныы боппуруостарын департаменын салайааччыта.
Кэргэннээх, үс оҕолоох.
Сорох матырыйаал
-
0
-
0
-
0
-
0
-
0
-
0
