Пробация институтун киллэрии
Сокуонунан пробация института – олох ыарахан ситуациятыгар киирбит сууттаммыт уонна хаайыыга олоро сылдьыбыт дьон сыhыаннарыгар ылыллар миэрэлэр холбоhуктара, кинилэри социализациялааhыны, социальнай адаптациялааhыны, бырааптарын уонна сокуоннай интэриэстэрин кѳмүскээhини киллэрэн туран — киллэриллэр. Сокуон пробация араас кѳрүңнэрин киллэрэр: толорор, пенитенциарнай уонна постпенитенциарнай.
Пенитенциарнай диэн тыл кѳннѳрѳр диэн ѳйдѳбүллээх.
Бүрүстүүпүнньүктэр уонна уорбаланааччылар булгуччулаах геномнай регистрациялара
Сокуон булгуччулаах геномнай регистрацияны ааhыахтаах сирэйдэр испииhэктэрин кэңэтэр уонна онно ханнык баҕарар холуобунай буруйу оңоруу иhин бары сууттаммыттары уонна кѳңүлү быhыы кѳрүңүнэн накаастабылы боруостааччылары, холуобунай буруйу оңорууга уорбаланааччылары уонна буруйданааччылары, итиэннэ административнай хаайыыга түбэспит сирэйдэри киллэрэр.
Онуоха РФ Силиэстийэлиир кэмитиэтин экспертнай подразделениеларыгар булгуччулаах судаарыстыбаннай геномнай регистрацияны ыытарга боломуочуйалар бэриллэллэр.
Дьокутааттарга декларациялааhын бэрээдэгин уларытыы
Сокуон бары таhымнаах сокуон органнарын чилиэннэригэр дохуоттарын туhунан сибидиэнньэлэри тарҕатыы быраабылаларын биир тэң гынар.
Интэриниэккэ персональнай дааннайдара суох дохуоттар тустарынан сибидиэнньэлэри биэрэр эбээhинэhи толоруу (эбэтэр толорбот буолуу) туhунан түмүллүбүт информация эрэ киллэриллэрин туhунан нуорманы Госдума дьокутааттарыгар уонна сенатордарга тарҕатарга этиллэр.
-
0
-
0
-
0
-
0
-
0
-
0
