Дьиэ кэргэни иитэн олорор киhини сүтэрии түбэлтэтигэр социальнай уонна страховой биэнсийэлэр, итиэннэ тѳрѳппүттэрэ иккиэн биллибэт оҕолорго социальнай биэнсийэ сайабылыанньата суох бэрээдэгинэн ананар буолуохтара. Дьиэ кэргэни аhатан олорбут киhи ѳллѳҕүнэ, кини сокуоннай саастарын ситэ илик оҕолоругар кылгатыллыбыт болдьохторго — нэhилиэнньэ туhунан сибидиэнньэлэр федеральнай регистрдарыттан ѳлүү туhунан иhитиннэрии күнүттэн биэс үлэ күнүттэн хойутаабакка эрэ.
Ыйыллыбыт биэнсийэлэри уонна тѳлѳбүрдэри анааhын уонна иккистээн аахсыы сайабылыанньата суох бэрээдэгин туhунан сокуон балаhыанньалара 2024 сыл тохсунньу 1 күнүттэн күүстэригэр киириэхтэрэ.
Госдума спикерэ Вячеслав Володин: «Бу сокуону ылыныы уустук олох балаhыанньатыгар түбэспит дьон бэриллиэхтээх тѳлѳбүрдэри ылаары ыспыраапкалары хомуйарга уонна биэдэмистибэлэри кэрийэргэ күhэллэр ситуацияларын туоратыаҕа», - диэтэ.
-
0
-
0
-
0
-
0
-
0
-
0
