Ол курдук, Арассыыйа кыттыбат аан дойдутааҕы тэрилтэлэрин (холобура, Аан дойдутааҕы холуобунай суут) быһаарыыларын толорууга көмөнү оҥорор, Арассыыйа куттала суох буолуутун утары үлэлиир атын дойду судаарыстыбаннай уорганнарыгар көмөлөһөр, дойдуга хорумньуну таһаарарга туһаныллыан сөп байыаннай-тиэхиньиичэскэй үлэҕэ кыраасданнары, ол иһигэр сокуоннай саастарын ситэ илик оҕолору түмэр дьону иноагенынан билинэргэ этиллэр.
Ону таһынан, сокуон барылларыгар иноагеннарга уонна дойдуттан барбыт, кыраныысса таһыгар олорор дьон буруйу оҥордохторуна сууттанааччы кыттыгаһа суох сууту көрөргө этиллэр. Маныаха, терроризмҥа, экстремизмҥа аһаҕастык ыҥырыы, дойду территорията кэлим буолуутун кэһии, маассабай бэрээдэги кэһии, кырыктаах сэриини сөҥнөөһүн, РФ Сэбилэниилээх күүстэрин туһунан сымыйа сураҕы тарҕатыы уонна дискредитациялааһын, буойуттар пааматынньыктарын уонна көмүллүбүт сирдэрин урусхаллааһын, итиэннэ алдьатыы, нацизмы өрө тутуу курдук буруйу оҥоруулар киирэллэр.
Маны сэргэ, Арассыыйа Сэбилэниилээх күүстэрин дискредитациялааһын уонна дойдуну утары санкцияларга ыҥырыы иһин биэс сылга болдьохтоон хаайар уонна үбү-баайы сокуонунан былдьыыр холуобунай эппиэтинэһи олохтуурга этиллэр.
Атын этиилэр ортолоругар Арассыыйа кыттыбат аан дойдутааҕы тэрилтэлэригэр хамнаска наймаланан көмөлөһүү иһин сэттэ сылга болдьохтоон хаайар уонна үбү-баайы сокуонунан былдьыыр холуобунай эппиэтинэһи киллэрии баар.
«Сокуон барылын ылыныы биһиги дойдубутун уонна кыраасданнарбытын тас дойдулар орооһууларыттан көмүскүөҕэ. Арассыыйа Конституционнай тутулун, көмүскэнэр уонна куттала суох буолуутун ыһарга туһаайыллыбыт буруйу оҥорууну тохтотуо, - диэн тоһоҕолоон эттэ Володин, - Биһиги дойдубутун таҥнарбыт дьон, кыраныысса таһыгар да олорон, кырдьыктаах суут дьүүлүттэн уонна эппиэтинэстэн куотуо суохтаахтар».
Хаартыска: www.pnp.ru
-
0
-
0
-
0
-
0
-
0
-
0
