Издательский дом Редакция Подписка
Погода в Якутске: . 21 oC

Ааспыт нэдиэлэҕэ Ил Түмэн вице-спикерэ Виктор Губарев салайааччылаах норуот дьокутааттара Саха Өрөспүүбүлүкэтин судаарыстыбаннаһын историятын түмэлин аһыыга кытыннылар.

Ааспыт нэдиэлэҕэ Ил Түмэн вице-спикерэ Виктор Губарев салайааччылаах норуот дьокутааттара Саха Өрөспүүбүлүкэтин судаарыстыбаннаһын историятын түмэлин аһыыга кытыннылар.

Максим Кирович Аммосов төрөөбүтэ 125 сылын көрсө Нам улууһун Хатырык нэһилиэгэр судаарыстыбаннас түмэлин аһыы буолан ааста. Санаттахха, Нам улууһугар ааһан эрэр 2022 сыл Максим Кирович Аммосов сылынан биллэриллибитэ.  М.К. Аммосов 125 сыллаах үбүлүөйдээх тэрээһиннэрин былаанын олоххо киллэрии чэрчитинэн, былырыын балаҕан ыйыгар Нам-Хатырык хайысхалаах аспаал суола оҥоһуллубута,  Хатырык нэһилиэгэр 75 миэстэлээх оҕо уһуйаана тутуллубута, ону тэҥэ култуура уонна духуобунай сайдыы дыбарыаһын тутуута түмүктэниэхтээх. Оттон быйыл өрөспүүбүлүкэ судаарыстыбаннаһын түмэлигэр хапытаалынай өрөмүөн ыытыллыбыта: түмэл кабинеттара, уотун ситимин тардыыта оҥоһулуннулар, түмэл экспозицията саҥардылынна.

oP0krsBbzz4

Үөрүүлээх тэрээһиҥҥэ Ил Түмэн вице-спикерэ Виктор Губарев түмэл үлэһиттэрин уонна өрөспүүбүлүкэ бары олохтоохторун Максим Кирович Аммосов 125 сыллаах үбүлүөйүнэн уонна Саха Сирин судаарыстыбаннаһын түмэлэ аһыллыбытынан эҕэрдэлээтэ.

«Биһиги дойдубут, ыччаппыт туһугар анаммыт Саха Өрөспүүбүлүкэтин судаарыстыбаннаһын түмэлигэр киэн туттуулаахтык уонна улахан эппиэтинэстээхтик сыһыаннаһан сылдьабыт. Билигин саалаҕа соторутааҕыта Федерация Сэбиэтигэр Саха Өрөспүүбүлүкэтин күннэригэр Ил Дархан Айсен Николаевы кытта Саха Сирин интэриэһин билиһиннэрбит Ил Түмэн дьокутааттара, сис кэмитиэттэр бэрэссэдээтэллэрэ кэлэн олороллор», - диэтэ парламент вице-спикерэ Виктор Губарев. Кини Саха Сирин социальнай-экэнэмиичэскэй сайдыытыгар туһуламытт Федерация Сэбиэтигэр олус суолталаах докумуоннар ылыллыбыттарын бэлиэтээтэ. Ону сэргэ үүнэр көлүөнэҕэ уонна ыччакка дойдуларынтуһугар эппиэтинэстээх буолууга санааны тиэрдии суолтатын ыйда.

20221218 IMG 0986 1

«Алроса» АХ генеральнай дириэктэрэ Сергей Иванов эҕэрдэ тылыгар, Ил Дархан Айсен Николаев, уопсастыбаннас уонна олохтоохтор көҕүлээһиннэринэн, өрөспүүбүлүкэҕэ хостоммут 100 ураты алмаастарыгар Саха Сирин уһулуччулаах дьонун ааттарын иҥэрии туһунан быһаарыыны өйөөтө.

«Биир ураты таас Саха Сирин уһулуччулаах диэйэтэлэ Максим Кирович Аммосов аатын сүктэ.  Максим Кирович Аммосов олоҕун уонна үлэтин-хамнаһын кытта чугастык билиһиннэрбиккитигэр түмэл үлэһиттэригэр махтанабын», - диэтэ «Алроса» АХ генеральнай дириэктэрэ. Салгыы Сергей Иванов Емельян Ярославскай аатынан Дьокуускайдааҕы хотугу норуоттар култуураларын уонна историяларын кэпсиир түмэл дириэктэригэр Николай Бугаевка саха алмаастарынан киэргэтиллибит, Саха АССР тэриллибитэ 100 сылыгар диэри бэлиэ күнү кэтээбит чаһыны туттарда. Оттон парламент вице-спикерэ Виктор Губарев «Алроса» АХ генеральнай дириэктэрин Сергей Иванову парламент Бочуоттаах грамотатынан, ону тэҥэ дьиэ-уот хомунаалынай хаһаайыстыбатыгар уонна энэргиэтикэҕэ сис кэмитиэтин Бочуоттаах грамотатынан үлэҕэ бэриниилэрин уонна тус кылааттарын иһин «Вертекс» ХЭУо маастардарын Николай Лыткины уонна Тит Васильевы (Нам улууһа) наҕараадалаата. Нам оройуонун баһылыга Юрий Слепцов эҕэрдэ тылыгар Ил Түмэн бэрэссэдээтэлэ Алексей Еремеев өрөмүөн үлэтин ыытыытыгар дьоһун кылааты киллэрсибитин туоһулаата: «Алексей Ильич Саха Өрөспүүбүлүкэтин судаарыстыбаннаһын историятын түмэлин попечительскэй Сэбиэтин бэрэссэдээтэлэ, Саха Сирин парламенын спикерэ буоларын быһыытынан түмэл үлэтигэр олус сэргэхтик сыһыаннаһар. Хатырыкка түмэл дьиэтин өрөмүөннүүр наадатын туһунан кинини уонна дьокутааттары кытта көрсүһүүлэргэ үгүс элбэхтик кэпсэппиппит. Бүгүн улахан үлэбит түмүгүн көрөҕүт, - диэн Нам улууһун баһылыга Юрий Слепцов кэпсээтэ. Улуус олохтоохторун ааттарыттан Алексей Еремеевка уонна норуот дьокутааттарыгар өрөспүүбүлүкэ  судаарыстыбаннаһын историятын түмэлин дьиэтин өрөмүөнүн ыытыыга көмөлөрүн, сүбэлэрин иһин махтал тылларын тиэртэ.

 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51