— Ил Дархаммыт норуот дьокутааттарыгар, Бырабыыталыстыбаҕа уонна уопсастыбаннаска туһаайан этиитигэр билиҥҥи балаһыанньаны киэҥник ырытта уонна кэлэр сылларга өрөспүүбүлүкэ иннигэр турар соруктары, былааннары эттэ.
Мин норуот дьокутаата уонна Хотугулуу-Илиҥҥи федеральнай университет ректора буоларым быһыытынан, Ил Дархан Анал этиитин сиһилии иһиттим уонна хас да хайысхаҕа үлэ соругун ылынным. Билигин федеральнай киин уонна СӨ Бырабыыталыстыбата оскуолаларга улахан болҕомтону уурдулар. Элбэх саҥа оскуола үлэҕэ киирдэ, үөрэх тэрилтэлэригэр өрөмүөн оҥоһулунна, салгыы өссө үлэ күүскэ барара, итини таһынан тус сыаллаах көмөлөр оҥоһуллаллара этилиннэ. Оскуолаҕа үлэлии сылдьар педагогтарга анал истипиэндьийэ үп-харчы ананара ыйылынна. Биһиги федеральнай таһымнаах университет буоларбыт быһыытынан, чуолаан, бырамыысыланнаска каадырдары күүскэ ылсан бэлэмниирбитигэр сорудахтанна. Анал этии хас биирдии хайысхатынан көрөн, университеппыт үлэтин эһиилги былааныгар көннөрүүлэри, эбиилэри киллэрэн бигэргэтиэхпит. Ил Дархан соруктарын олоххо киллэрэргэ күүскэ үлэлиэхпит.
-
0
-
0
-
0
-
0
-
0
-
0
