- Ахсынньы 19 күнүгэр Ил Дархан Айсен Николаев Ил Түмэҥҥэ туһаайан этиитигэр өрөспүүбүлүкэ сайдыытын сүрүн сыаллара, судаарыстыбаннай уонна муниципальный былаас уорганнарын үлэлэрин суолталаах хайысхалара этилиннилэр.
Саха Сирин баһылыга 2023 сылы Үлэ сылынан биллэрдэ. Итинэн сибээстээн, уопсастыбаҕа үлэҕэ сыһыаны бөҕөргөтүүгэ уонна үрдэтиигэ сөптөөх дьаһаллары ылыныахтаахпыт. Саха Сирин Аҕа баһылыга Ил Түмэҥҥэ туһаайан этиитигэр өрөспүүбүлүкэҕэ энергетика стратегическай салаата буоларын хаһан да болҕомтото суох хаалларбат. Кини ыраах сытар Аартыка оройуоннарыгар гибриднай энергетическай комплекстары тутуута Саха Сирин социальнай- экэнэмиичэскэй сайдыытыгар улахан суолталааҕын бэлиэтиир. Билигин алта аныгы энергетика эбийиэктэрэ үлэҕэ киллэриллибиттэрэ, ол иһигэр Хонуу сэлиэнньэтигэр күн сардаҥатынан үлэлиир аан дойду үрдүнэн саамай бөдөҥ станцията баар буолла. Уопсайынан, 2024 сыл бүтүөр диэри маннык өссө эбии 72 гибриднай электростанциялар олоххо киириэхтэрэ. Бу инновационнай бырайыак көдьүүһэ дизельнэй уматык кэмчилээһинин биллэрдик көрдөрөрү таһынан, электроэнергияны оҥорон таһаарыыга Аартыка экологиятыгар куһаҕан дьайыытын намтатыаҕа уонна биһиэхэ ураты суолталаныаҕа.
СӨ Ил Дархана Айсен Николаев Ил Түмэҥҥэ туһаайан этиитигэр этиллибит соруктар биһиги өрөспүүбүлүкэбит чэчирии сайдарыгар өссө биир улахан хардыынан буолуохтара диэн эрэнэбин.
-
0
-
0
-
0
-
0
-
0
-
0
