COVID-19 дьаҥа тарҕаныытыттан эмсэҕэлээбит тэрилтэлэри өйүүр сыалтан СӨ урбаан, атыы-эргиэн уонна туризм министиэристибэтэ өйөбүл дьаһалларын оҥордо. Бу дьаһаллар пандемия кэмигэр эмсэҕэлээбит аччыгый уонна орто бизнес салааларын кэҥэтиллибит испииһэгэр киирбит урбаанньыттарга туһуланаллар (федеральнай ОКВЭД көрүҥнэрин таһынан).
Испииһэги кытта http://portal.b14.ru/koronavirus/perechen-otrasley/ сайтка билсиэххитин сөп.
Докумуон хомуйуутун сыала:
— аччыгый уонна орто урбаанньыттар Арассыыйатааҕы кирэдьиит тэрилтэлэрин кытта кулун тутар 31 күнүгэр диэри түһэрсибит дуогабардарынан лизини биэрээччи дохуотун чааһыгар лизинг төлөбүрдэригэр тардыллыбыт кредиттэргэ бырыһыаннары төлөөһүҥҥэ ороскуоттарын сорох чааһын толуйууга;
— нолуокка патент систиэмэтин туһанар аччыгый уонна орто урбаанньыттар страховой усунуостарга олохтоммут төлөбүрдэрин сорох чааһын харчынан толуйууга;
— аччыгый уонна орто урбаанньыттар предприниматель үлэтин ыытыыга анаан кулун тутар 31 күнүгэр диэри түһэрсибит аренда дуогабардарынан коммерциялаах хамсаабат баай-дуол объектарын арендалааһын дуогабарын төлөбүрүгэр ороскуоттарын сорох чааһын харчынан толуйууга;
— олох-дьаһах табаардарынан эргинэр тэрилтэлэр, ону сэргэ олохтоох табаары оҥорон таһаарааччылар уонна уопсастыбаннай аһылык тэрилтэлэрэ интернет-маҕаһыын/сайт арыйалларыгар биитэр бэлэм маркетплейска аччыгый уонна орто урбаанньыттар ороскуоттарын сорох чааһын толуйууга;
— үлэ дистанционнай ньыматыгар көһүүгэ, бизнес бырассыаһын сыыппаралааһыҥҥа көһөрүүгэ аччыгый уонна орто урбаанньыттар ороскуоттарын сорох чааһын толуйууга;
— инбэлиит, соҕотох уонна (эбэтэр) сокуоннай сааһын ситэ илик, ол иһигэр инбэлиит оҕолору иитэр элбэх оҕолоох төрөппүттэр категорияларыгар сыһыаннаах аччыгый уонна орто урбаанньыттар олох-дьаһах өҥөлөрүн уонна киһи олорбот дьиэлэрин арендалааһын иһин ороскуоттарын сорох чааһын толуйууга;
— туризм эйгэтигэр үлэлиир аччыгый уонна орто урбаанньыттар туризм тэриллэрин атыылаһыыга уонна турбазаны саҥардыыга ороскуоттарын сорох чааһын толуйууга.
Докумуон хомуйуутун болдьоҕо – ыам ыйын 18 күнүттэн бэс ыйын 6 күнүгэр диэри.
Субсидия туһанарга сайаапка биэриитин услуобуйаларын кытта http://portal.b14.ru/koronavirus/finansovye-mery-podderzhki/ сайтка билсиэххэ сөп. Бизнеска уонна өйөбүл миэрэлэрин туһунан бары боппуруостарга:
- 8-800-100-58-80 босхо төлөппүөн нүөмэригэр эрийэн билсиҥ;
- portal.b14.ru СӨ аччыгый уонна орто урбаанньыттар порталыгар «Линия прямых обращений» сервис нөҥүө;
- 8-924-873-00-97 Whatsapp төлөппүөн нөүмэринэн.
-
0
-
0
-
0
-
0
-
0
-
0
