Саха Сирин Бырабыыталыстыбатын Бэрэссэдээтэлин бастакы солбуйааччы Дмитрий Садовников кулун тутар 2 күнүгэр өрөспүүбүлүкэҕэ кыһыҥҥы кэмҥэ таһаҕаһы тиэйиини салайар биэдэмистибэлэр икки ардыларынааҕы хамыыһыйа мунньаҕын ыытта. Кулун тутарга мууһунан суол саамай бөҕөргүүр кэмэ. Онон бу кэми мүччү туппакка, хаалбыт хайысхаларга таһаҕастары тиэрдиэхтэрэ.
Билигин өрөспүүбүлүкэҕэ суол 11 тыһ. км тахса уһуннаах 103 учаастакка суол аһаҕас, манна 15-тэн 40 туоннаҕа диэри таһаҕаһы тиэйиэххэ сөп.
«Бүлүү» федеральнай массыына суолугар түөрт сиринэн мууһунан айанныыллар, манна муус 40 туоннаҕа тиийэ ыйааhыны уйар. Алдан өрүһү туоруур «Халыма» федеральнай суолга көҥүллэнэр ыйааһыны 40 туоннаҕа диэри үрдэттилэр.
-
0
-
0
-
0
-
0
-
0
-
0
