Онно Саха Сирэ 30-чча сөбүлэһиини түһэрсэр былааннаах – норуоттар икки ардыларынааҕы уонна эрэгийиэннэр икки ардыларынааҕы бииргэ үлэлээһиҥҥэ, бырамыысыланнас эбийиэктэрин тутууга, тырааныспар, сибээс, олорор дьиэ эйгэлэригэр бөдөҥ инфраструктура бырайыактарын олоххо киллэриигэ.
СӨ экэниэмикэтин министиэристибэтин барыллаан сыаналааһынынан 100 млрд солкуобайтан ордук суумаҕа инвестициялар тардыллыахтара.
Өрөспүүбүлүкэ экэниэмикэтин министиэристибэтэ иһитиннэрбитинэн, холобур, пуорумҥа ДОМ.РФ кытта Дьокуускай куоракка «Спортивнай» микро-оройуону тутуу бырайыагын үбүлээһин туһунан сөбүлэһиини, сылга 150 тыһ. туонна кытаанах хомунаалынай бөҕү-саҕы сортировкалыыр элэмиэннэрдээх бөҕү тиэйэр-таһар ыстаансыйаны тэрийии туһунан концессионнай сөбүлэһиини, итиэннэ Саха Сиригэр Sukhoi Superjet салгын суудуналарын биэрии туһунан сөбүлэһиини түһэрсэр былааннаахтар.
Санаттахха, ВЭФ-2022 түмүктэринэн эрэгийиэннэр ортолоругар тардыллыбыт инвестицияларынан Саха Сирэ инники күөҥҥэ тахсыбыта. Онно 330 млрд солкуобайтан тахса сууммаҕа 40 кэриҥэ сөбүлэһии түһэрсиллибитэ.
Источнига: Ил Түмэн пресс-сулууспата.
СИА хаартыската.
-
0
-
0
-
0
-
0
-
0
-
0
